शहर परिसरात काल गुरुवारी दोन महिलांना विजेचा शॉक लागून मृत्यू झाल्याची घटना घडली.यामध्ये एक अल्पवयीन मुलगी तर २६ वर्षीय महिलेचा समावेश आहे.या घटनेमुळे परिसरात हळहळ व्यक्त करण्यात येत आहे.
याबाबत समजलेली माहिती अशी की, शहरापासून जवळ असलेल्या मनमाड – नांदगाव रोडवरील नागापूर येथील सौ.प्रियंका सुनील सोमासे वय – २६ ही महिला शेतात कामानिमित्त गेली असता विद्युत वाहिनीवर पाय पडल्याने तिचा शॉक लागून मृत्यू झाला.सदर महिलेला तातडीने मनमाड येथील उपजिल्हा रुग्णालयात दाखल केले असता डॉक्टरांनी मृत घोषित केले.
तर दुसरी घटना मनमाड – येवला रोडवरील अंकाई (ता.येवला) येथील सुमैय्या राजू शहा,वय १५ ही मुलगी घरात इलेक्ट्रिक इस्त्री कपडे इस्त्री करताना अचानकपणे शॉक लागले.मनमाड येथील उपजिल्हा रुग्णालयात उपचारासाठी आणले असता डॉक्टरांनी तिला मृत घोषित केले. या दोन्ही घटनेने शहर परिसरात हळहळ व्यक्त करण्यात येत आहे.
