अण्णाभाऊ साठे यांच्या पुतळ्याचे रशियात अनावरण : निर्भय महिला सामाजिक संस्थेतर्फे जल्लोष

(सुभाष जाधव)दीनांक 14-9-2022 रोजी साहीत्यरत्न लोकशाहीर अण्णाभाऊ साठे यांच्या पुतळ्याचे रशियात अनावरण झाल्याबद्दल निर्भय महीला सामाजिक सेवाभावी संस्थेच्या वतीने जल्लोष व आनंदोत्सव साजरा करण्यात आला.
आपल्या जागतिक साहित्याच्या आणि लेखणीच्या बळांवर छत्रपती शिवरायांचा इतिहास रशियापर्यंत पोहोचविणारे साहित्याचे महामेरु साहित्यरत्न लोकशाहीर अण्णाभाऊ साठे यांचा गौरव म्हणून रशियाच्या प्रजासत्ताक दिनी आज 14 सप्टेंबर रोजी रशिया येथील मॉस्को शहरातील शासकीय वाचनालयात साहित्यरत्न लोकशाहीर अण्णाभाऊं साठे यांच्या पुतळ्याचे व तैलचित्राचे अनावरण झाले. या अविस्मरणीय क्षणाचा आनंदोत्सव व जल्लोष “
निर्भय महीला सामाजिक सेवाभावी संस्थेच्या वतीने चांदवड येथे साजरा करण्यात आला. सर्वप्रथम साहीत्य सम्राट लोकशाहीर अण्णाभाऊ साठे यांच्या प्रतिमेस पुष्पहार अर्पण करुन या कार्यक्रमाची सुरुवात करण्यात व नंतर लाडू व पेढे वाटप करण्यात आले व तसेच निर्भय महीला सामाजिक सेवाभावी संस्थेच्या वतीने अनाथ निराधार जेष्ठ नागरीक यांना रोज एक वेळच जेवण देण्यात येत असत तर ते एक वेळच जेवण देऊन कायॅक्रमाची सांगता करण्यात आली व तसेच या वेळी महापुरुषांच्या घोषणांनी संपूर्ण परिसर दणाणून गेला होता.
या वेळी कार्यक्रमास मिना ताई सिरसाठ, सरला ताई खैरनार,कोमल ताई साळवे व चांदवड तालुक्यातील माता भगीणी उपस्थीत होत्या.