शिंदे गटाला ढाल-तलवार चिन्ह देण्यात आले आहे. निवडणूक आयोगाने आज याबाबतचा निर्णय दिला असून काल ठाकरे गटाला मशाल चिन्ह देण्यात आल्यानंतर निवडणूक आयोगाने शिंदे गटाला नवे तीन पर्याय देण्याचे आदेश दिले होते. त्यानंतर शिंदे गटाने निवडणूक आयोगाला तीन पर्याय देण्यात आले होते. त्यातून त्यांना ढाल-तलवार चिन्ह देण्यात आले आहे.
निवडणूक आयोगाने काल दोन्ही गटांना पक्षाची नावे दिली. ठाकरे गटाला शिवसेना उद्धव बाळासाहेब ठाकरे हे नाव देण्यात आले. तर शिंदे गटाला बाळासाहेबांची शिवसेना असे नाव देण्यात आले आहे. ठाकरे गटाला मशाल हे चिन्हे तर शिंदे गटाला दुसऱ्या तीन चिन्हांचा पर्याय देण्याचे निर्देश देण्यात आले होते. त्यानंतर शिंदे गटाने आज ढाल-तलवार, उगवता सूर्य आणि पिंपळाचं झाड अशी तीन चिन्हं देण्यात आली होती. त्यातील ढाल-तलवार हे चिन्ह निवडणूक आयोगाने शिंदे गटाला दिले आहे.
