मनमाड : शालेय शिक्षण व क्रीडा विभाग, क्रीडा व युवक सेवा संचलनालय पुणे आयोजित जिल्हा क्रीडा अधिकारी कार्यालय आणि जिल्हा क्रीडा परिषद नाशिक यांच्यातर्फे राबविण्यात आलेल्या शासकीय शालेय नांदगाव तालुकास्तरीय १९ वर्ष आतील मुलांच्या कबड्डी स्पर्धा मांडवड याठिकाणी पार पडल्या. या स्पर्धेत महात्मा गांधी विद्यामंदिर संचलित कला विज्ञान व वाणिज्य कनिष्ठ महाविद्यालय हा संघ विजयी झाला. नांदगाव तालुकास्तरीय १९ वर्षाखालील विद्यार्थ्यांच्या कबड्डी स्पर्धा संपन्न झाल्या. या स्पर्धेमध्ये मनमाड कनिष्ठ महाविद्यालय आणि बोलठाण हायस्कूल या संघात अंतिम लढत झाली व यात मनमाड कनिष्ठ महाविद्यालयाने एकतर्फी विजय संपादन केला व विजेतेपद पटकावले. मनमाड कनिष्ठ महाविद्यालय हा संघ जिल्हास्तरीय स्पर्धेसाठी पात्र झाला आहे. या यशाबद्दल महाविद्यालयाचे प्राचार्य डॉ.अरुण पाटील, वरिष्ठ महाविद्यालयाचे उपप्राचार्य डॉ. प्रमोद आंबेकर, कनिष्ठ महाविद्यालयाच्या उपप्राचार्य ज्योती पालवे, क्रीडा शिक्षक महेंद्र वानखेडे, सर्व प्राध्यापक व प्रशासकीय कर्मचाऱ्यांनी विजय संघाचे अभिनंदन केले.
भाद्रपद महागणेशोत्सव ➖2024 निमित्त रविवारी वेशीतील प्राचीन श्री निलमणी गणेश मंदीरात सलग 10 वर्षी छप्पन महाभोग (महानैवेद्य) व श्री सत्यविनायक महापूजा या धार्मिक कार्यक्रमाचे आयोजन
मनमाड - आम्ही परंपरा पाळतो... आम्ही संस्कृती चे रक्षण करतो.... हे ब्रीद घेऊन मनमाड शहरात धार्मिक...
