*मविप्र समाजाचे कला, वाणिज्य व विज्ञान महाविद्यालय, मनमाड येथील २१ विद्यार्थ्यांची ICICI बँकेत निवड**
येथील मराठा विद्या प्रसारक समाजाच्या कला, वाणिज्य व विज्ञान महाविद्यालयात दिनांक २३ नोव्हेंबर रोजी महाविद्यालय व ICICI Bank यांच्यातील सहमती करारानुसार कॅम्पस इंटरव्ह्यू आयोजित करण्यात आलेले होते. कुठल्याही शाखेचा पदवीधर अशी अट होती. महाविद्यालयाने इतर महाविद्यालयातील पदवीधर विद्यार्थांनाही या कॅम्पस इंटरव्ह्यू मध्ये समाविष्ट केले.एकूण ३०० नोदणी झाली. परंतु सर्व पात्रता पूर्ण करणारे २१ विद्यार्थी अंतिम मुलाखतीसाठी पात्र झाले आहेत. त्यांची मुलाखत ऑनलाईन पद्धतीने होणार असून त्यासाठी पूर्वतयारी म्हणून ३ तासाचे प्रशिक्षणही त्यांना महाविद्यालयातील प्लेसमेंट सेल तर्फे करण्यात आले. सर्व पात्र विद्यार्थ्याचे महाविद्यालयाचे प्राचार्य डॉ. डी. डी. गव्हाणे, संचालक इंजि. अमितभाऊ बोरसे, व्यवस्थापन समितीचे श्री. बाळासाहेब साळुंखे, प्लेसमेंट सेल अधिकारी प्रा. जी.सी.बर्वे, IQAC समन्वयक प्रा. ए.बी.जाधव तसेच सर्व प्राध्यापक यांनी अभिनंदन केले. तसेच पुढील नोकरीच्या संधी साठी महाविद्यालयाच्या प्लेसमेंट सेल यांच्याशी ०२५९१-२२५३६४ यावर संपर्क साधावा असे आवाहन करण्यात येत आहे.
