मनमाड: येथील संत झेवियर हायस्कूल मध्ये महामानव, भारतीय राज्यघटनेचे शिल्पकार डॉक्टर बाबासाहेब आंबेडकर यांना महापरिनिर्वाण दिनानिमित्त विनम्र अभिवादन करण्यात आले. याप्रसंगी व्यासपीठावर शाळेचे माननीय मुख्याध्यापक फादर माल्कम नातो, माननीय पर्यवेक्षिका सिस्टर शैला, मा. फादर लॉईड व कुमारी ऋतुजा जाधव आदी मान्यवर उपस्थित होते. सुरुवातीला महामानव डॉक्टर बाबासाहेब आंबेडकर यांच्या प्रतिमेला मान्यवरांनी पुष्पहार अर्पण करून आदरांजली वाहिली. कार्यक्रमाच्या अध्यक्षा कुमारी ऋतुजा जाधव हिने डॉक्टर बाबासाहेब आंबेडकरांच्या जीवन कार्याबद्दल माहिती दिली. तर माननीय मुख्याध्यापकांनी आपल्या भाषणातून डॉक्टर बाबासाहेब आंबेडकर यांच्या शैक्षणिक पैलूची ओळख करून दिली. शाळेतील ज्येष्ठ शिक्षक श्री. अशोक गायकवाड सर यांनी आपल्या सुमधूर आवाजात भिमगीत गाऊन डॉक्टर बाबासाहेब आंबेडकरांना संगीतमय आदरांजली वाहिली. कार्यक्रमाचे सूत्रसंचालन कुमारी दर्शना वामन ढोमसे तर आभार प्रदर्शन कुमार हितेश राऊत यांनी केले.
कला विज्ञान व वाणिज्य महाविद्यालय मनमाड येथे क्रांतीसुर्य म.ज्योतिबा फुले यांना जयंतीनिमित्त विनम्र अभिवादन
म. गांधी विद्यामंदिर संचलित, कला, विज्ञान व वाणिज्य महाविद्यालय मनमाड येथे महाविद्यालयाचे...
