मनमाड – भाजप नेते तथा उच्चशिक्षित मंत्री चंद्रकांत पाटील यांनी महापुरुषांबद्दल केलेल्या बेताल वक्तव्य करून महाराष्ट्राचा व महाराष्ट्रातील महापुरुषांचा अपमान केला आहे. अशा वाचाळवीर शिक्षणमंत्र्यांना तात्काळ मंत्रीपदावरून हटवून त्यांच्यावर गुन्हा दाखल करण्याची मागणी मनमाड शहर युवासेनेच्या वतीने आंदोलन करत करण्यात आली. यावेळी पाटील यांच्या विरोधात जोरदार घोषणाबाजी करण्यात आली.
डॉ बाबासाहेब आंबेडकर यांच्या पुतळ्याजवळ शहर युवा सेनेच्यावतीने निषेध आंदोलन करण्यात आले.
पैठण येथे आयोजित कार्यक्रमात भाजपचे नेते शिक्षणमंत्री चंद्रकांत पाटील यांनी डॉ. बाबासाहेब आंबेडकर, महात्मा जोतीबा फुले,कर्मवीर भाऊराव पाटील या महापुरुषांबद्दल अपशब्द वापरून बेताल वक्तव्य करत महाराष्ट्राचा अपमान केला आहे. पाटील यांनी आपल्या अकलेचे तारे तोडले असून अशा मंत्र्यांची महाराष्ट्राला गरज नाही त्यामुळे भाजपने चंद्रकांत पाटील यांना तात्काळ शिक्षणमंत्रीपदावरून हटवावे अशी मागणी करत युवा सेनेच्या वतीने जोरदार घोषणाबाजी करण्यात आली. व सदर मंत्र्यांने केलेल्या बेताल वक्तव्याचा जाहिर निषेध करत निवेदन देण्यात आले. यावेळी शिवसेना उपजिल्हाप्रमुख संतोष बळीद, शहरप्रमुख माधव शेलार, जिल्हा संघटक संजय कटारिया, विनय आहेर, दिनेश केकान, शैलेश सोनवणे, इरफान शेख, सनी फसाटे, लियाकत शेख, पप्पू परब, कैलास भाबड यांच्यासह मोठ्या संख्येने युवासेना पदाधिकारी कार्यकर्ते उपस्थित होते.
