आताच्या जमान्यात कुठल्या कारणावरुन वाद होईल ह्याचा काही नेम नाही. कैफ खान रस्त्यावरुन चालत असताना रस्त्यावर थुकला तोच मागुन दुचाकीवरुन येणाऱ्या विजय पाटवा नावाच्या अंगावर ही थुंकी पडली. दुचाकीस्वार विजयने गाडी थांबवत अंगावर का थुकलास असा सवाल विचाराला, तोच कैफ आणि विजयमध्ये शाब्दिक बाचाबाचीला सुरुवात झाली आणि कैफ विजयच्या अंगावर धावला आणि दोहोंमध्ये हाणामारी सुरु झाली. यात कैफने विजयला गंभीर मारहाण केली. जखमी अवस्थेत विजय खाली कोसळला आणि त्याच्या डोक्याला गंभीर दुखापत होऊन बेशुध्द झाला. यानंतर विजयला जवळच्या इस्पितळात दाखल केले असता डोक्यावर मार लागल्याने विजयला मृत घोषित केले. विजय आणि कैफच्या या मारामारीचा व्हिडीओ सीसीटीव्ही कॅमेरात कैद झाला असून
याप्रकरणी विष्णू नगर पोलीस ठाण्यात कैफ खान विरोधात गुन्हा दाखल झाला आहे व त्याला अटक करण्यात आली आहे. या मारामारीत विजय पाटवा यांचा मृत्यू झाल्याने कैफ विरोधात हत्येचा गुन्हा दाखल करत त्याला अटक करण्यात आली आहे. कैफ याला आज न्यायालयात हजर केले असता कल्याण न्यायालयाने त्याला दोन दिवसांची पोलीस कोठडी सुनावली आहे. पोलिस या प्रकरणाचा सखोल तपास करीत आहेत.
क्षुल्लक कारणावरून झालेल्या या हत्येमुळे डोंबिवलीत खळबळ माजली आहे.
