नांदगाव सोमनाथ घोंगाणे
नांदगाव तालुक्यातील मोहेगाव येथील ग्रामसेवक एस जे कदम यांना निलंबित करावे यासाठी मोहेगाव येथील आदिवासी सरपंच ग्रामस्थांनी पंचायत समितीचे गटविकास अधिकारी गणेश चौधरी यांच्या दालनासमोर ठिय्या मारत आंदोलन केले आंदोलनाचे नेतृत्व आदिवासी नेते भावराव बागुल यांनी केले.
मोहेगाव ग्रामपंचायत कार्यालयात कर्तव्यावर असलेले ग्रामसेवक एस जे कदम हे गावातील आदिवासी समाज बांधवांशी जातिवाद करून आदिवासी समाज बांधवांना हीन वागणूक देत असल्याचा आरोप आदिवासी ग्रामस्थांनी केला आहे मोहेगाव येथील सरपंच आदिवासी महिला असल्याने ग्रामसेवक त्यांच्याशी देखील जातिवाद करून सरपंचांना अपमानास्पद वागणूक देत असल्याचा आरोप आदिवासी ग्रामस्थांनी करत कदम यांच्यावर तातडीने निलंबनाची कारवाई करावी अशी मागणी विस्तार अधिकारी विजय ढवळे यांच्या कडे निवेदनाद्वारे करण्यात आली. निवेदनावर भावराव बागुल, सरपंच सुमनबाई थेटे,अनिता थेटे, सोनाली सोनवणे,ताई बरडे,राधा थेटे, रुपाली ठाकरे,काऴुबाई मोरे सह गावकरी यांच्या स्वाक्षरी आहेत.
