नागरकोईल तामिळनाडू येथे होणाऱ्या राष्ट्रीय वेटलिफ्टिंग स्पर्धेसाठी जय भवानी व्यायामशाळेच्या सात खेळाडूंची महाराष्ट्र राज्य वेटलिफ्टिंग संघात निवड

युथ ज्युनिअर व सिनियर गटाच्या राष्ट्रीय वेटलिफ्टिंग स्पर्धांचे आयोजन पोंजेसली कॉलेज नागरकोईल तामिळनाडू येथे 28 डिसेंबर ते 7 जानेवारी 2023 दरम्यान करण्यात आले आहे भारतातील सर्वोत्कृष्ट खेळाडू या स्पर्धेत सहभागी होत असल्याने चुरशीची स्पर्धा होणार असून आगामी आंतरराष्ट्रीय स्पर्धांसाठी व भारतीय संघाच्या प्रशिक्षण शिबिरासाठी या राष्ट्रीय स्पर्धेच्या माध्यमातून खेळाडूंची निवड केली जाणार आहे.राष्ट्रीय स्पर्धेसाठी महाराष्ट्र राज्य वेटलिफ्टिंग संघात निवड झालेले मुकुंद, वीणाताई, मेघा ही तीन सख्खी भावंड आहेत महाराष्ट्रातील हे एकमेव उदाहरण आहे.तसेच पूजा व साइराज ही दोघंही राष्ट्रीय स्पर्धेसाठी निवड झालेली सख्खी भावंड आहेत.
आंतरराष्ट्रीय खेळाडू गुरू गोविंद सिंग हायस्कुलची विद्यार्थिनी आकांक्षा किशोर व्यवहारे,आंतरराष्ट्रीय खेळाडू मुकुंद संतोष आहेर,कला वाणिज्य व विज्ञान महाविद्यालयाची वीणाताई संतोष आहेर,संध्या भास्कर सरोदे, के आर टी विद्यालयाचा साइराज राजेश परदेशी,छत्रे विद्यालयाची मेघा संतोष आहेर,राष्ट्रीय खेळाडू पूजा राजेश परदेशी यांची राष्ट्रीय वेटलिफ्टिंग स्पर्धेसाठी महाराष्ट्र राज्य संघात निवड करण्यात आली आहे.
यशस्वी खेळाडूंना छत्रे विद्यालयाचे क्रीडा प्रशिक्षक प्रवीण व्यवहारे आंतरराष्ट्रीय प्रशिक्षक तृप्ती पाराशर यांचे मार्गदर्शन लाभले आहे.
जय भवानी व्यायामशाळेचे अध्यक्ष डॉ विजय पाटील,मोहन अण्णा गायकवाड,डॉ सुनील बागरेचा प्रा दत्ता शिंपी,कला विज्ञान व वाणिज्य महाविद्यालय मनमाड चे प्राचार्य डॉ अरुण पाटील,क्रीडा संचालक प्रा संतोष जाधव छत्रे विद्यालयाचे आधारस्तंभ पी जी धारवाडकर, अध्यक्ष पी जे दिंडोरकर, सचिव दिनेश धारवाडकर, संचालक नाना कुलकर्णी प्रसाद पंचवाघ,मुख्याध्यापक आर एन थोरात, उपमुख्याध्यापक देशपांडे संदीप,पर्यवेक्षिका सौ पोतदार एस एस के आर टी विद्यालयाचे प्राचार्य मुकेश मिसर मुख्याध्यापक दीपक व्यवहारे श्री गुरू गोविंद सिंग हायस्कुलचे प्राचार्य सदाशिव सुतार यांनी अभिनंदन केले व शुभेच्छा दिल्या.