निर्भिड पत्रकार संघ आणि तुलसी आय हॉस्पिटल यांच्या संयुक्त विद्यमाने पत्रकार दिनानिमित्त तपासणी शिबिर

मनमाड : शुक्रवार दि.६ जानेवारी २०२३ रोजी पत्रकार दिनानिमित्त निर्भिड वृत्तपत्र संपादक पत्रकार संघ व तुलसी आय हॉस्पिटल यांचे संयुक्त विद्यमाने मनमाड शहर परिसरातील नागरिकांसाठी मोफत नेत्र तपासणी व मोतीबिंदू शस्त्रक्रिया निदान शिबीराचे आयोजन शासकीय विश्रामगृह मनमाड येथे सकाळी ११ ते दुपारी ३ वा. पर्यंत करण्यात आले आहे. या शिबीरात तज्ञ डॉक्टरांकडून सुसज्ज व आधुनिक उपकरणाद्वारे नेत्र तपासणी व चष्मा निश्चिती करण्यात येणार असून वाजवी दरात चष्मा सुविधा देण्यात येणार आहे.
तरी मनमाड शहरातील नागरिकांनी या शिबीराचा लाभ घ्यावा, असे आवाहन निर्भिड वृत्तपत्र संपादक पत्रकार संघाचे अध्यक्ष सॅमसन आव्हाड, सचिव धिरजसिंग परदेशी, खजिनदार प्रशांत केदारी, समस्त सदस्यांतर्फे करण्यात आले आहे.