नाशिक जिल्ह्यातील लासलगाव रेल्वे स्थानकाजवळ आज पहाटे भीषण अपघात झाला आहे. लासलगाव येथे टॉवर वॅगन ट्रेनने 4 कामगारांना उडवले. या अपघातात चारही कर्मचाऱ्यांचा जागीच दुर्दैवी मृत्यू झाला. लासलगाव-उगाव रेल्वे स्थानकादरम्यान हा भीषण अपघात झाला. अपघाताला बळी पडलेले सर्व कर्मचारी रेल्वेचे गँगमन असून ते रेल्वे ट्रॅकच्या दुरुस्तीत गुंतले होते, असे सांगण्यात आले. मिळालेल्या माहितीनुसार, आज पहाटे ५.४४ च्या सुमारास हा अपघात झाला. टॉवर वॅगन ट्रेन (लाइट फिक्सिंग इंजिन) लासलगावकडून उगावकडे चुकीच्या मार्गाने जात होती. लासलगाव ते उगावच्या दिशेने पोल क्रमांक 15 ते 17 पर्यंत ट्रॅक देखभालीचे काम सुरू होते. तेव्हा हा अपघात झाला. संतोष भाऊराव केदारे (वय ३८ वर्षे), दिनेश सहादू दराडे (वय ३५ वर्षे), कृष्णा आत्माराम अहिरे (वय ४० वर्षे) आणि संतोष सुखदेव शिरसाठ (वय ३८ वर्षे) अशी मृतांची नावे आहेत. ही हृदयद्रावक घटना समोर आल्यानंतर सर्वत्र खळबळ उडाली आहे. लाइट दुरुस्तीचे इंजिन चुकीच्या दिशेने आल्याने चार रेल्वे कर्मचाऱ्यांचा मृत्यू झाल्याचा आरोप करण्यात येत आहे.
मनमाड येथील सेंट झेवियर हायस्कूल मध्ये जागतिक महिला दिन मोठ्या उत्साहात संपन्न झाला.
मनमाड येथील सेंट झेवियर हायस्कूल मध्ये जागतिक महिला दिन मोठ्या उत्साहात संपन्न झाला. याप्रसंगी...
