येथील न्यायालयात राष्ट्रीय लोकअदालतीमध्ये २९७२ केसेसमधून ३८० प्रकरणांचा निपटारा करण्यात आला असून त्यातून २५ लाख ४२ हजार ७९६ रुपयांची वसुली झाली आहे. अतिरिक्त दिवाणी न्यायाधीश व रेल्वेचे मॅजिस्ट्रेट अनुपम मुक्कनवार यांच्या अध्यक्षतेखाली झालेल्या या लोकन्यायालयात उत्स्फूर्त प्रतिसाद मिळाला. दाखलपूर्व २ हजार ३६३ पैकी १६९ प्रकरणांचा निपटारा करण्यात येऊन त्यातून १० लाख ४९ हजार ५५८ रुपयांची वसुली झाली. तर दाखल झालेल्या ६०९ प्रकरणांपैकी २११ प्रकरणांचा निपटारा होऊन त्यातून १४ लाख ९३ हजार २३८ रुपये वसुल झाले. या सर्व प्रलंबित प्रकरणांमध्ये बँक व पतसंस्था रिकव्हरी, गुन्हेगारी, महावितरणची थकीत वीजबिले, मोटर अपघात, नगरपरिषदेच्या थकीत रकमा, बँकेचे परत आलेले धनादेश, अदखलपात्र गुन्हे, ग्रामपंचायतीबाबतची प्रकरणे आदी या राष्ट्रीय अदालतमध्ये निकालासाठी ठेवण्यात आली होती. मनमाड वकील संघाचे अध्यक्ष ॲड. किशोर सोनवणे, सचिव ऍड. शशिकांत व्यवहारे, ऍड. एम. जी. बापट, ऍड. संजय गांधी, ऍड. भास्कर निकम, ऍड. राजेंद्र पालवे, ऍड. दिलीप देसले, एड. राजेंद्र पांडे, ॲड. हेमंत सोनवणे, अॅड. शेखर महाजन, अॅड. मुनवर पठाण, ॲड. सुरेश मल्हारे, अॅड. योगेश बनकर व न्यायालय कर्मचारी वर्गाने या लोकअदालतीचे कामकाज यशस्वी करण्यासाठी परिश्रम घेतले.
राज्यातील हजार पेक्षा जास्त विजयी नगरसेवकांचे भवितव्य अजूनही अधांतरीतच !
गेल्या काही वर्षांपासून रखडलेल्या स्थानिक स्वराज्य संस्थांच्या निवडणुका सर्वोच्च न्यायालयाच्या...
