महात्मा गांधी विद्यामंदिर संचलित कला वाणिज्य व विज्ञान महाविद्यालय मनमाड येथे दिनांक 20 फेब्रुवारी 2023 रोजी जागतिक सामाजिक न्याय दिवस महाविद्यालयाचे प्राचार्य मा.डॉक्टर ए. व्ही. पाटील यांच्या मार्गदर्शनाखाली आयोजित करण्यात आला. याप्रसंगी प्रमुख अतिथी म्हणून श्रीमती फरिदा मिठाईवाला उपस्थित होत्या. त्यांनी याप्रसंगी सामाजिक न्याय दिवस का साजरा करावयाचा असतो याची कारणे विशद केली त्याचबरोबर विद्यार्थ्यांनी सामाजिक विषमता दूर करण्यासाठी सदैव प्रयत्न करावे असे आवाहन केले. विद्यार्थ्यांनी आपले न्याय हक्क मिळवण्यासाठी प्रयत्न करावे व त्यासाठी असणारे कायदे याविषयी मार्गदर्शन केले. याप्रसंगी आपल्या अध्यक्षीय मनोगतात महाविद्यालयाचे उपप्राचार्य डॉ. जी. एल. शेंडगे यांनी सामाजिक विषमता कुठल्या पद्धतीने दूर करता येईल याविषयीचे मार्गदर्शन विद्यार्थ्यांना केले व समाज प्रगती पथावर नेण्यासाठी विद्यार्थ्यांनी सदैव अग्रेसर राहावे असे आवाहन केले.
महाविद्यालयाच्या महिला विकास समिती व IQAC द्वारे या कार्यक्रमाचे आयोजन करण्यात आले. सर्व प्राध्यापक बंधू भगिनी व विद्यार्थी विद्यार्थिनी मोठ्या संख्येने उपस्थित होते.
साकोरा परिसरात भुरट्या चोरांचा सुळसुळाट
नांदगाव : मारुती जगधने तालुक्यातील साकोरा परिसरात यावर्षी दुष्काळी परिस्थिती मुळे भुरट्या चोरांनी...
