गुरुवार दिनांक 30/ 3/ 2023 रोजी विशाल सुरेश राठोड वय वर्ष 20 राहणार शेवळी तांडा तालुका जिल्हा जालना हे मनमाड येथील बुकिंग ऑफिसच्या बाजूला असणाऱ्या वेटिंग हॉलमध्ये झोपले असता त्यांची एक काळा रंगाची लॅपटॉप असलेल्या आधार कार्ड, पॅन कार्ड व इतर वस्तू अशा एकूण 43000 रुपये किमतीच्या वस्तू चोरीस गेल्या होत्या. त्यावरून रेल्वे पोलीस स्टेशन मनमाड येथे गुन्हा नोंद क्रमांक 234/ 23 कलम 379 भादवी प्रमाणे गुन्हा दाखल करण्यात येऊन सीसीटीव्ही आधारे व मिळालेल्या माहितीनुसार यातील आरोपीचा शोध घेतला असता संशयित आरोपी समाधान सुरेश वाघ,वय 25 वर्ष, राहणार नाशिक बॅगसह मिळून आला. पोलीस स्टेशनला आणून खात्री केल्यानंतर त्याने वर नमूद गुन्ह्यातील चोरलेला लॅपटॉप त्याच्याकडे मिळून आल्याने सदरचा लॅपटॉप व इतर वस्तू हस्तगत करून त्यास गुन्ह्यात अटक करण्यात आली असून सदर गुन्ह्याचा तपास पोलीस हवालदार खडककर हे करत आहेत. सदरची कारवाई मा. पोलीस अधीक्षक श्री गणेश शिंदे लोहमार्ग औरंगाबाद मा. उपविभागीय पोलीस अधिकारी मनमाड श्री दीपक काजवे ,पोलीस निरीक्षक शरद जोगदंड यांच्या मार्गदर्शनाखाली सहाय्यक पोलीस निरीक्षक सोमनाथ वाघमोडे , सफौ दिनेश पवार, पोह रवींद्र खडतकर पोलीस नाईक महेंद्र पाटील पोलीस शिपाई राहुल राजगिरे, जितेंद्र देशमुख , राकेश ठाकूर महेंद्र माळी यांनी केली.
