मनमाड – मनमाड शहरातील अग्रगण्य म्हणून ओळखल्या जाणाऱ्या दि प्रगती अर्बन को. ऑप बँकेला मार्च २०२३ अखेर १ कोटी ४२ लाख रूपयांचा निव्वळ नफा झाला आहे, अशी माहिती पतसंस्थेचे अध्यक्ष कल्याणचंद ललवाणी यांनी दिली आहे.
३१ मार्च २०२३ रोजी संपलेल्या आर्थिक वर्षात आयकर व इतर सर्व प्रकारच्या कायदेशीर तरतूदींची पुर्तता करून हा नफा झाला आहे. मार्च २०२३ अखेर बँकेच्या आर्थिक परिस्थितीची माहितीही त्यांनी दिली. बँकेचे वसुल भागभांडवल १६७.९२ लाख, राखीव व इतर निधी रक्कम २१५४.९३ लाख, ठेवी रक्कम १२९२४.१० लाख, येणे कर्ज रक्कम रू.५०७९.६७ लाख, गुंतवणूक रक क रू.९२५३.१६ लाख असल्याचे त्यांनी नमुद केले आहे. बँकेचे ग्रॉस एन.पी.ए.चे प्रमाण ३.०९ टक्के इतके कमी राखण्यात यश मिळाले आहे. नेट एन.पी.ए.चे प्रमाण शुन्य टक्के आहे. बँकेचे ग्राहक व सभासदांमुळेच हे शक्य झाल्याचे सांगून बँक ग्राहकांना अधिकाधिक उत्कृष्ट सेवा देण्याचा प्रयत्न करीत असल्याचेही त्यांनी नमूद केले. यावेळी उपाध्यक्ष पोपटशेठ सुराणा, कार्यकारी संचालक अशोक शिंगी, जनसंपर्क संचालिका श्रीमती पुष्पा ललवाणी, संचालक सुभाष संकलेचा, नविन शिंगी, मनोज बाफना, संदीप ललवाणी, सुनील भंडारी, दत्तात्रय हादगे, मनोज गवळी, श्रीमती पुष्पा राका, पंढरीनाथ वरखेडे, श्रीमती पुष्पा लोढा आदींसह बँकेचे अधिकारी व सेवक वर्ग उपस्थित होते.
