मनमाड दि.12. महात्मा गांधी विद्यामंदिर संचलित कला विज्ञान व वाणिज्य महाविद्यालय मनमाड येथे आय. क्यू. ए. सी, व राज्यशास्त्र विभाग यांच्या वतीने मतदार जाणीव जागृती या विषयावर भित्तिपत्रिका सादरीकरण स्पर्धा आयोजित करण्यात आली होती या स्पर्धेच्या उद्घाटन प्रसंगी महाविद्यालयाचे प्राचार्य डॉ. ए व्ही पाटील यांनी आपल्या मनोगतातून भित्तिपत्रिका सादरीकरण स्पर्धेचा उद्देश विद्यार्थ्यांना पटवून सांगितला तरीदेखील आजच्या कालखंडात निवडणुकांमध्ये मतदानाची टक्केवारी कमी असल्याची खंत देखील त्यांनी व्यक्त केली. लोकशाही बळकट करायची असेल तर प्रत्येक मतदाराने आपला मतदानाचा हक्क बजावला पाहिजे यासाठी तरुणांनी मतदानाविषयी समाजामध्ये जाणीव जागृती निर्माण करणे गरजेचे आहे असे आवाहन त्यांनी केले याप्रसंगी महाविद्यालयाचे उपप्राचार्य डॉ. जी एल शेंडगे, आय क्यू ए सी समन्वयक डॉ. मिलिंद आहिरे, कुलसचिव समाधान केदारे, क्रीडा संचालक प्रा.सुहास वराडे हिंदी विभागाचे प्रा. किशोर गायकवाड उपस्थित होते कार्यक्रमाचे प्रास्ताविक भूगोल विभागाचे प्रा. गणेश गांगुर्डे यांनी केले तर आभार प्रदर्शन प्रा. ढमाले संदीप यांनी केले.
