रिझर्व्ह बँकेच्या सूचनेनुसार देशात 2000 रुपयांची नोट चलनातून बाद करण्यात आली आहे. अशा परिस्थितीत आता त्यांना बदलण्याची वेळ आली आहे. मात्र याबाबत सर्व प्रकारचा संभ्रम निर्माण केला जात असला तरी स्टेट बँकेने खातेदरांसाठी याबाबत ची परिस्थिती स्पष्ट केली आहे.
स्टेट बँक ऑफ इंडियाच्या कोणत्याही शाखेत जाऊन दोन हजार रुपयांच्या नव्या नोटा बदलता येतील, असे स्टेट बँक ऑफ इंडियाने (एसबीआय) स्पष्ट केले आहे. त्याचबरोबर यासाठी कोणत्याही कागदपत्रांची गरज भासणार नाही.
एसबीआयने आज अधिसूचना जारी केली एसबीआयने आज एक अधिसूचना जारी केली आहे. यानुसार जर एखाद्या व्यक्तीने एसबीआयमध्ये जास्तीत जास्त 2000 रुपयांच्या 10 नोटा बदलल्या तर त्याला कोणत्याही प्रकारची कागदपत्रे देण्याची गरज भासणार नाही. २० हजार रुपयांपर्यंतच्या नोटा बदलून घेण्यासाठी कोणताही फॉर्म भरावा लागणार नाही, अशी सूटही एसबीआयने दिली आहे.
देशातील कोणत्याही बँकेत 2000 रुपयांची नोट बदलू शकता त्याचबरोबर बँकेत तुमचे खाते असेल तर त्यात तुम्ही 2000 रुपयांची कोणतीही नोट जमा करू शकता. पण त्यासाठी तुमच्या बँक खात्याची केवायसी करणे आवश्यक आहे. आरबीआयने आपल्या आदेशात स्पष्टपणे म्हटले आहे की, कोणतीही व्यक्ती देशातील कोणत्याही बँकेत जाऊन आपली 2000 रुपयांची नोट बदलू शकते. पण ते कोणती पद्धत अवलंबतात हे बँकांनी ठरवायचे आहे. एसबीआयने आज आपली भूमिका मांडली आहे.
एसबीआयच्या आजच्या नोटिफिकेशननंतर तुम्ही त्याच्या कोणत्याही शाखेत
जाऊन कॅश काउंटरवरून थेट 2000 रुपयांच्या नोटा बदलू शकता. तर या नोटेचा वापर तुम्ही तुमच्या गरजेच्या खरेदीसाठी 30 सप्टेंबरपर्यंत करू शकता. सरकारने अद्याप या नोटेच्या प्रसारावर बंदी घातलेली नाही. ही नोट ३० सप्टेंबरपर्यंत बदलायची आहे. त्यानंतर ही नोट चालणार नाही.
