नांदगाव सोमनाथ घोंगाणे
आ.सुहास कांदे यांच्या स्वखर्चातून नांदगाव विधानसभा मतदारसंघात आमदार आपल्या दारी या महाशिबिराचे आयोजन करण्यात आले असून आज बाणगाव खुर्द येथे जातेगाव गटातील मांडवड गणातील नागरिकांसाठी या शिबिराचे आयोजन करण्यात आले होते.
शिबिराचे उद्घाटन शिवसेना जेष्ठ नेते बापूसाहेब कवडे यांच्या हस्ते श्रीफळ वाढवून करण्यात आले. यावेळी बोलतांना त्यांनी आ. सुहास कांदे सुरू केलेल्या या स्तुत्य उपक्रमाची दखल राज्य सरकार ने घेऊन राज्यात शासन आपल्या दरबारी ही मोहीम सुरू केली, सर्व सामान्यांना त्यांच्या गावात येऊन विविध सुविधा पुरविण्याची ही योजना महाराष्ट्रात पहिल्यांदाच होत असल्याचे सांगितले. उपस्थित नागरिकांनी जास्तीत जास्त या अभियानाचा फायदा घेण्याचे आवाहनही त्यांनी या वेळी केले.
राधाकृष्ण लॉन्स बाणगाव खुर्द येथे आज मोठ्या संख्येने मांडवड गणातील प्रत्येक गावातून आलेल्या नागरिकांनी या शिबिरास उपस्थित राहून विविध सुविधांचा लाभ घेतला.
ग्रामीण भागातील नागरिकांना नेहमीच विविध शासकीय दाखल्यांसाठी सरकारी कार्यालयांमध्ये चकरा माराव्या लागतात आणि म्हणूनच या शिबिराच्या माध्यमातून त्यांना तात्काळ विविध दाखले व विविध शासकीय योजनांचा लाभ मिळवून देण्याचा हेतू मोठ्या प्रमाणात साध्य होत असल्याचे दिसून येत आहे.
रेशन कार्ड संबंधित विविध त्रुटी अडचणी तसेच विविध निराधार योजना विधवा पेन्शन योजना व इतर शासकीय दाखल्यांसाठी मोठी गर्दी या ठिकाणी पाहायला मिळाली.
आरोग्य सुविधा महावितरण तहसील पंचायत समिती डोळे चेकप असे विविध प्रकारचे स्टॉल या ठिकाणी लावण्यात आले होते.
राज्य कृषी अभियांत्रिकी यांत्रिकीकरण योजनेअंतर्गत लाभार्थी शेतकऱ्यांना या वेळी ट्रॅक्टर देण्यात आले. यावेळी आरोग्य विभागामार्फत ४५६ जणांची तपासणी करण्यात आली. तर ७२५ व्यक्तीची नेत्र तपासणी करूण ६७४ व्यक्तीना चषमे वाटप करण्यात आले तर ३० व्यक्तीचे डोळयाचे ऑपरेशन करण्यात आले . १०५ जणांना विविध शासकीय दाखल्याचे वाटप झाले २२८ जणांना रेशनकार्ड चे वाटप करण्यात आले .
यावेळी कासारी ‘ पोही ‘ माणिकपुंज ‘ कसाबखेडा ‘ बाणगाव खुर्द ‘ बाणगाव बुर्दक ‘ खिर्डी ‘ वडाळी ‘ सोयगाव ‘ मोरझर ‘ दहेगाव ‘ तांदुळवाडी ‘ मांडवड ‘ लझ्मीनगर या गावातील नागरिक मोठया संख्येने उपस्थित होते .
या प्रसंगी शिवसेना जिल्हाप्रमुख किरण भाऊ देवरे, प्रमोद भाबड, बाजार समिती मा.सभापती तेज कवडे, संचालक एकनाथ सदगिर, विक्रम फोडसे, बाळासाहेब पवार, नंदू खरात, समाधान पाटील, कैलास चोळके, बबलू पाटील, योगेश इमले, बाबा भिलोरे, कैलास गायकवाड, सागर हिरे, विलास गायकवाड, भाऊसाहेब सदगीर, शिवाजी वडगळ, दत्तू काळे, शांताराम कवडे, प्रभाकर कवडे, समाधान हिरे, वाल्मीक गोराडे आदी उपस्थित होते
शिवसेना महिला आघाडी पदाधिकारी ,शिवसैनिक, विविध गावचे सरपंच उपसरपंच सर्व सदस्य विविध कार्यकारी सोसायटीचे चेरमन उप चेरमन सर्व सदस्य व इतर लाभार्थी मोठ्या प्रमाणात उपस्थित होते.
