🔶 फलक रेखाटन दि. २९ जून २०२३. आषाढी एकादशी

आषाढी एकादशी ,म्हणजेच देवशयनी एकादशी. वारकरी संप्रदायाचा सर्वात मोठा उत्सव. वैष्णवांसाठी या पवित्र दिवसाचे विशेष महत्त्व आहे. आषाढी एकादशी या दिवशी लाखोच्या संख्येने वारकरी भक्त पंढरपूर येथे विठ्ठलाच्या दर्शनासाठी दाखल होतात.
कोणतेही इव्हेंट मॅनेजमेंट नाही ,कोणाला निमंत्रण नाही ,कोणत्याही सोशल मीडियावर जाहिरात नाही ,कुठलीच भंपकबाजी नाही, कसलेही प्रलोभन नाही, राग नाही रुसवा नाही, कोण खायायला घालेल याची चिंता नाही, खिशात एक रुपयाची गरज नाही, कोठेच गर्वाचा अहंकाराचा लवलेश नाही, दैदिप्यमान नेत्रदीप डोळ्यांचे पारणे फेडणारा उर भरून आणणारा सोहळा. अगदी कुबेराच्या श्रीमंतीलाही लाजवणारी श्रीमंती आणि हा सगळा अट्टाहास कशासाठी ?
,,,,,, तर फक्त आणि फक्त पांडुरंगाच्या दर्शनासाठी. जीवनातील अनेक सुखदुःख विसरून ऊन वारा पाऊस याची तमा न बाळगता विठ्ठलाचे दर्शन घेऊन लाखो वारकरी मंत्रमुक्त होऊन जातात. विठ्ठलाचे दर्शनाने गहिवरून जातात.
अनंत जन्मीचे विसरलो दुःख ।
पाहता तुझे मुख पांडुरंगा ।।
या आषाढी एकादशीच्या सर्व विठ्ठल भक्तांना रंगीत खडू फलक रेखाटनातून भक्तीमय शुभेच्छा !
– देव हिरे ( कलाशिक्षक, शिक्षण मंडळ भगूर, संचालित, नूतन माध्यमिक विद्यालय भाटगाव. ता.चांदवड. जि.नाशिक.)