हिसवळ खुर्द येथील विविध कार्यकारी सहकारी सोसायटीच्या चेअरमन पदी डॉ. विजय विश्वनाथ कदम तर व्हा. चेअरमन पदी सोजेराव शंकर बिन्नर यांची आज बिनविरोध निवड झाली. नांदगाव येथील सहाय्यक निबंध कार्यालयात यासाठी एक विशेष सभा बोलविण्यात आली होती त्या ठिकाणी कार्यालयाचे अधिकारी श्री पाटील साहेब यांच्या मार्गदर्शनाखाली संस्थेचे सचिव सखाहरी कदम यांनी सभेला सुरुवात केली. त्यावेळी सर्वच्या सर्व तेरा संचालक उपस्थित होते डॉ. विजय विश्वनाथ कदम यांचे अर्जावर सूचक म्हणून विश्वास रंगनाथ आहेर तर अनुमोदक म्हणून संतोष बाबुराव आहेर यांनी स्वाक्षरी केली तर व्हा. चेअरमन पदासाठी सोजेराव शंकर बिन्नर यांचे अर्जावर मोहन एकनाथ आहेर यांनी सूचक म्हणून सही केली तर अनुमोदक म्हणून विजय पंढरीनाथ आहेर यांनी स्वाक्षरी केली दोन्ही पदांसाठी एक, एकच अर्ज दाखल झाल्याने या ठिकाणी सर्वानुमते त्यांची बिनविरोध निवड करण्यात आल्याचे निवडणूक निर्णय अधिकारी श्री पाटील साहेब यांनी जाहीर केले यावेळी संचालक विश्वास रंगनाथ आहेर, मोहन आहेर, विजय पंढरीनाथ आहेर, संतोष बाबुराव आहेर, प्रशांत बाळासाहेब आहेर, तुळशीराम सदगीर, पांडुरंग दैनै, रमेश अहिरे, नारायण आहेर, वर्षा संजय आहेर, शिलाबाई मनसुख आहेर आदि संचालक उपस्थित होते यावेळी आमदार सुहास आण्णा कांदे यांचे हस्ते नवनिर्वाचित चेअरमन,व्हा. चेअरमन यांचा शाल श्रीफळ व छत्रपती शिवरायांची प्रतिमा देऊन सत्कार करण्यात आला.उपसरपंच संजय आहेर यांनी मनोगत व्यक्त करताना.बिनविरोध निवड करण्यासाठी सहकार्य केल्याबद्दल सर्वांचे आभार मानले यावेळी हिसवळ व शास्त्रीनगर चे अनेक ग्रामस्थ उपस्थित होते.
