बालविकास प्रकल्प अधिकारी(नागरी)जि.नाशिक..प्रकल्प अधिकारी श्री.चंद्रशेखर पगारे ..श्रीमती.शितल गायकवाड मुख्यसेविका याच्यां मार्गदर्शनाखाली कार्यरत अंगणवाडी क्र.७५.जमधाडे चौक ,मनमाड विभाग येथे अंगणवाडी सेविका – कल्पना जाधव ,अलका गायकवाड मदतनिस ताई यांनी स्तनपान सप्ताह निमित्त विविध कार्यक्रमाचे आयोजन केले.. स्तनपान सप्ताह निमित्त विभागातील गरोदर स्त्रीया,स्तनदा माता,आजी इतर महिला.यांना स्तनपानाचे महत्व ,फायदे,स्तनाची योग्य पकड,स्वच्छता ,लसिकरण,आहार याविषयी मार्गदर्शन करण्यात आले.
बाळ मानसिक आणि आरोग्यदृष्ट्या सक्षम करण्यासाठी आईच्या दुधाला अनन्यसाधारण महत्व आहे. स्तनपान म्हणजे आई आणि बाळाला जोडणारा दुवा आहे. त्यामुळे मातृत्वाच्या प्रवासात स्तनपानाला महत्व दिले जाते. आईचे दुध हा मुलासाठी पोषणाचा उत्तम स्त्रोत आहे. स्तनपान आई आणि बाळ असे दोघांसाठी फायदेशीर आहे. जन्मानंतर बाळाला अर्धा तासाच्या आत चिकाचे दुध द्यायचे आहे ..हिच बाळाची पहिली लस आहे..पहिले सहा महिने बाळाला निव्वळ स्तनपान द्यायचे आहे. कारण आईचे दुध मुलाला विविध संक्रमण आणि अनेक आजारांपासुन दुर ठेवते.६ म.पुर्ण झाल्यानंतर बाळाला वरचा पुरक आहार सुरु करायचा आहे पुरक आहारा सोबत २. वर्षापर्यन्त स्तनपान सुरु ठेवायचे आहे. स्तनपान करणे आईसाठी सुद्धा तितकेच फायदेशीर आहे जितके ते मुलांसाठी असते.
विभागातील पात्र लाभार्थ्याच्या घरी गृहभेट देवुन स्तनपानाचे महत्व,आहार,स्वच्छता,लसिकरण विषयी मार्गदर्शन करण्यात आले..
संतोष गुप्ता यांच्यावर दाखल गुन्हे खोटे ; सीबीआय चौकशी करण्याची धात्रक यांची मागणी
मनमाड - शिवसेना (उध्दव बाळासाहेब ठाकरे) पक्षाचे नांदगाव तालुका प्रमुख संतोष आण्णा गुप्ता हे...
