मनमाड :- येथील एच. ए. के. हायस्कूल अँड ज्यु. कॉलेजमध्ये सन 2023-24 या शैक्षणिक वर्षाकरीता शाळेचे मुख्याध्यापक भुषण दशरथ शेवाळे सर यांच्या अध्यक्षतेखाली शिक्षक -पालक संघाची स्थापना करण्यात आली. उपाध्यक्ष शेख मुजीब कलंदर यांची निवड करण्यात आली. प्रत्येक वर्गातील पालक प्रतिनिधी, विद्यार्थी प्रतिनिधी तसेच संस्थेच्या सदस्या आयशा मो. सलीम अहमद गाजियानी,पर्यवेक्षक अन्सारी शाहिद अख्तर, शेख आरीफ कासम उपस्थित होते.
उपशिक्षक सैय्यद अफरोज सर यांनी स्वागत केले. उपशिक्षक शानूल जगताप सर यांनी शाळेच्या विविध उपक्रमांविषयी मार्गदर्शन केले. मुख्याध्यापक भुषण शेवाळे सर यांनी शाळेच्या विविध योजना, उपक्रमांची माहिती दिली व पालकांना सहकार्य करण्याचे आवाहन केले. त्यांनी शालेय शिक्षण, संगणक शिक्षण, सांस्कृतिक उपक्रम, परीक्षा, खेळ,विदयार्थ्यांची शैक्षणिक सहल, क्षेत्रभेट व शाळेच्या निकाल याबाबत पालकांशी चर्चा केली.व शालेय शिक्षणाविषयी विविध शंकांचे निरसन केले. सुत्रसंचालन उपशिक्षक सैय्यद अफरोजोद्दीन यांनी केले.
