नाशिक: अशोका मेडिकव्हर हॉस्पिटल्समध्ये महात्मा ज्योतिबा फुले जन आरोग्य योजना आणि आयुष्मान भारत प्रधानमंत्री जन आरोग्य योजना या दोन शासकीय आरोग्य योजनांचा शुभारंभ करण्यात आला. या उद्घाटन सोहळ्यात मेडिकल डायरेक्टर तथा नवजात शिशु व बालरोग तज्ञ डॉ. सुशील पारख यांच्या हस्ते कार्यक्रमाचे उद्घाटन झाले. या योजनांतर्गत गरजू रुग्णांना मोफत उपचार उपलब्ध करून दिले जातील.
कार्यक्रमात प्रमुख अतिथी म्हणून अशोका मेडिकव्हर हॉस्पिटल्सचे हृदयरोग तज्ञ डॉ. सुधीर शेतकर, डॉ. कांचन भंबारे, डॉ. गिरीश बच्छाव, हृदयरोग शस्त्रक्रिया तज्ञ डॉ. अजय हिरक्कनीवर, बाल हृदयरोग तज्ञ डॉ. संतोष वाडीले आणि मूत्रविकार तज्ञ डॉ. श्याम तलरेजा उपस्थित होते.
महात्मा ज्योतिराव फुले जन आरोग्य योजना आणि आयुष्मान भारत प्रधानमंत्री जन आरोग्य योजना या योजनांचा लाभ पिवळी, केशरी, अंत्योदय अन्न योजना व अन्नपूर्णा शिधापत्रिकाधारक कुटुंबे घेऊ शकतात. या योजनांद्वारे पात्र लाभार्थ्यांना मोफत वैद्यकीय सेवा देण्यात येईल.
अशोका मेडिकव्हर हॉस्पिटलचे केंद्र प्रमुख अनुप त्रिपाठी यांनी या योजनांचा लाभ घेण्यासाठी पात्र नागरिकांनी पुढाकार घेण्याचे आवाहन केले आहे.
या योजने विषयी अधिक माहितीसाठी अशोका मेडिकव्हर हॉस्पिटल, इंदिरा नगर, वडाळा रोड, नाशिक येथे भेट द्या किंवा ०४० ६८३३ ४४५५ या क्रमांकावर संपर्क साधावा.
