आनंद धर्मार्थ दवाखाना व स्व.डॉ.सी.एच.बागरेचा प्रेरित कायमस्वरूपी नेत्र चिकित्सा शिबिर व एसएमबीटी हॉस्पिटल यांच्या संयुक्त विद्यमाने मोफत आरोग्य व उपचार शिबिराचे आयोजन करण्यात आले होते.
शिबिरात एकुण १०२ रुग्णांच्या तपासणी करण्यात आली. यात नेत्र चिकित्सा ७४ रुग्ण, ईएनटी २८ रुग्णांची स्क्रीनिंग करूण १७ मोतीबिंदूचे रुग्ण १० ईएनटी शस्त्रक्रियेचे रुग्ण ३ सामान्य शस्त्रक्रियेचे आणि ४ हृदयरोगाचे रुग्णांचे योग्य निदान झाले व त्यांना पुढ़िल उपचारस एसएमबीटी हॉस्पिटल इगतपुरी येथे पाठवन्यात आले.
गेल्या तीन वर्षापासून सातत्याने स्व.रोटेरियन डॉ.सी.एच.बागरेचा नेत्र रोग तपासणी शिबिर दर महिन्याच्या पहिल्या मंगळवारी आयोजित केले जात आहे.
मनमाड श्री संघाचे संघपती रिखबचंदजी ललवाणी, सुराणा ट्रस्टचे अध्यक्ष पोपटलालजी सुराणा आणि डॉक्टर्स असोसिएशनचे अध्यक्ष जेष्ठ सहकारी डॉ.श्री.सागरमलजी जैन यांनी यांच्या शुभ हस्ते कार्यक्रमाचे उदघाटन करण्यात आले.
मनमाड़चे सेवा भावी उद्योगपती स्व.संपतलालजी सुराणा यांची ९८ वी जन्म तिथि तसेच स्व.सौ.भारतीबाई सागरमलजी लुनावत यांच्या स्मृती प्रीत्यर्थ त्यांची मिती स्विकारुन त्याना भावपूर्ण श्रद्धांजली अर्पित करण्यात आली.
गरीब आणि गरजू लोकांसाठी कॅम्प पूर्णपणे मोफत आयोजित करण्यात आला होता. हे काम पुढे नेण्याचा मानस आयोजकांनी बोलून दाखविला. शिबीर यशस्वीतेसाठी आनंद धर्मार्थ दवाखाना मनमाडचे सचिव सचिन लुणावत व संपूर्ण टीमने मेहनत घेतली.
