नुकत्याच पार पडलेल्या मनमाड नगरपरिषद निवडणुकीत थेट नगराध्यक्षपदी योगेश पाटील यांची निवड झाल्याबद्दल मनमाड क्रिकेट असोसिएशनच्या वतीने त्यांचा सत्कार करण्यात आला.
मनमाड शहराच्या सर्वांगीण विकासाबरोबरच क्रीडा सुविधांच्या उभारणीसाठी आणि क्रिकेटसह विविध क्रीडांगणांच्या उन्नतीसाठी नगराध्यक्ष सकारात्मक सहकार्य असावे, अशी अपेक्षा असोसिएशनतर्फे व्यक्त करण्यात आली.
जनतेने दाखविलेल्या विश्वासाबद्दल कृतज्ञता व्यक्त केली व मनमाड शहराचा दर्जा उंचावण्यासाठी प्रामाणिकपणे काम करण्याचा विश्वास व्यक्त केला तसेच तरुणांना क्रीडा स्पर्धाच्या माध्यमातून पुढे जाण्यासाठी आवश्यक सुविधा उपलब्ध करून देण्याचा प्रयत्न राहील, असा मानस योगेश पाटील यांनी व्यक्त केला.
या प्रसंगी मनमाड क्रिकेट असोसिएशनचे अध्यक्ष मनोज ठोंबरे, उपाध्यक्ष देवेंद्र चुनियान, सचिव जाविद मुश्ताक शेख, कार्यकारी सदस्य आसिफ पहिलवान, किशोर व्यवहारे, तनिष्क मनोज ठोंबरे, आदि उपस्थित होते.
