भोपाळ येथे सुरू असलेल्या साउथ वेस्ट आंतर विद्यापीठ वेटलिफ्टिंग स्पर्धेत मनमाड येथील जय भवानी व्यायामशाळा व वरिष्ठ महाविद्यालय वागदर्डी महाविद्यालयाच्या मेघा संतोष आहेर हिने ४८ किलो वजनी गटात सावित्रीबाई फुले पुणे विद्यापीठाचे प्रतिनिधित्व करत ६८ किलो स्न्याच व ८८ किलो क्लीन जर्क १५६ किलो वजन उचलत सुवर्णपदक पटकावले ४८ किलो वजनी गटात विविध विद्यापीठातील ५२ खेळाडूंचा विक्रमी सहभाग नोंदविला.
मेघा संतोष आहेर हिची चंदीगड येथे होणाऱ्या अखिल भारतीय आंतर विद्यापीठ स्पर्धेसाठी निवड करण्यात आली आहे. यशस्वी खेळाडूंना वेटलिफ्टिंग प्रशिक्षक प्रवीण व्यवहारे आंतरराष्ट्रीय प्रशिक्षक तृप्ती पाराशर यांचे मार्गदर्शन लाभले आहे
जय भवानी व्यायामशाळेचे अध्यक्ष डॉ.विजय पाटील, मोहन गायकवाड, डॉ.सुनील बागरेचा, प्रा.दत्ता शिंपी, नगराध्यक्ष योगेश पाटील, छत्रे विद्यालयाचे अध्यक्ष पी.जे.दिंडोरकर, सचिव दिनेश धारवाडकर, वागदर्डी विद्यालयाचे अध्यक्ष प्रकाश जैन, मुख्याध्यापक संतोष भराडे, महाराष्ट्र वेटलिफ्टिंग संघटनेचे संतोष सिंहासने, अध्यक्ष सुधीर म्हाळसकर यांनी अभिनंदन केले व पुढील स्पर्धेसाठी शुभेच्छा दिल्या आहेत.
