मनमाड- महाराष्ट्र क्रिकेट आसोसिएशन आयोजीत वरिष्ठ महिलांच्या जिल्हास्तरीय स्पर्धेसाठी नंदुरबार जिल्ह्य़ातील महिला संघ निवडला गेला. या निवडीमध्ये मनमाडमधील भुमी क्रिकेट अकॅडमीतील खेळाडु मुस्कान चावरिया, सुहानी बोरा व आर्या साळुंखे यांची निवड झाली. या निवड चाचणीसाठी विविध जिल्ह्य़ातील खेळाडुंनी हजेरी लावली होती.
निवड झालेल्या या खेळाडुंना महाराष्ट्र क्रिकेट आसोसिएशन आयोजीत जिल्हास्तरिय सामण्यात खेळण्याचा मान मिळेल. हे सामने पुणे येथे एप्रिल महिन्यात खेळवले जाणार आहेत.
मनमाडच्या या नवोदित खेळाडुंकडुन चांगले प्रदर्शन होऊन ते जिल्हासंघा बरोबर पुढे महाराष्ट्र संघात स्थान मिळवतील अशा शुभेच्छा या खेळाडुंना मनमाडमधील विविध स्तरातून या महिला खेळाडुंना देण्यात येत आहेत.
या निवडीसाठी नंदुरबार जिल्ह्य़ाचे सेक्रेटरी युवराज पाटिल व मनमाड गुरुद्वारा प्रबंधक जथेदार बाबा रणजित सिंहजी तसेच श्री. गुरुगोबिंद सिंग हायस्कूल मनमाडचे प्रशासक सुखदेव सिंग सर यांचे विशेष सहकार्य या खेळाडुंना प्राप्त झाले.
नांदगाव तालुक्याचे आमदार सुहास आण्णा कांदे , ईरफान मोमीन , नगराध्यक्ष बबलु पाटील , मयुर बोरसे , राजाभाऊ पगारे , श्रेणिक बरडिया , तय्यब शेख , सिध्दार्थ बरडिया , परवेज शेख , सनी फसाटे , नितीन अहिरराव तसेच संचालक वाल्मीक रोकडे यांच्यातर्फे या खेळाडुंना शुभेच्छा देण्यात आल्या.
या खेळाडुंना भुमी क्रिकेट अकॅडमीचे प्रशिक्षक सिध्दार्थ (भोला) रोकडे सर यांचे मार्गदर्शन लाभले.
