Breaking News

[post-marguee]

[ays_poll id=7]

संस्कारखेळवाडीत विविध पेहराव स्पर्धा उत्साहात संपन्न

Sep 24, 2026

बालकांच्या सादरीकरणातून सामाजिक, पर्यावरणीय व आरोग्यविषयक संदेश
संस्कारखेळवाडीत बालकांच्या कल्पकतेला आणि कलागुणांना वाव देण्यासाठी विविध पेहराव स्पर्धेचे उत्साहात आयोजन करण्यात आले. या स्पर्धेत बालकांनी इंद्रधनुष्य, शेतकरी, टीव्ही, मोबाईल, कोलगेट-ब्रश, नारळ, वाहतूक सिग्नल, उमलणारी कळी, पाणी, आंबा, सफरचंद, झाड, वर्तमानपत्र, शेफ अशा विविध विषयांवर आधारित आकर्षक पेहराव साकारले.
बालकांनी केवळ सुंदर पेहराव करून सहभाग नोंदविला नाही, तर आपल्या भूमिकेच्या माध्यमातून उपस्थितांना आरोग्य, पर्यावरण संवर्धन, पाणी बचत, वाहतूक नियम, शेतकऱ्यांचे महत्त्व तसेच मोबाईलच्या योग्य वापराचे सुंदर संदेश दिले. प्रत्येक बालकाचा आत्मविश्वासपूर्ण व उत्स्फूर्त सहभाग विशेष कौतुकास्पद ठरला.
या स्पर्धेसाठी पालकांनी घेतलेली मेहनत, कल्पकता आणि कलात्मक दृष्टिकोन प्रकर्षाने जाणवला. उपलब्ध साहित्याचा कल्पक वापर करून तयार केलेले पेहराव पाहून पालकांचे जितके कौतुक करावे तितके कमीच आहे. आपल्या पाल्याला विषय समजावून सांगून त्याच्याकडून प्रभावीपणे संदेश मांडून घेण्यात पालकांचा मोलाचा सहभाग दिसून आला.
बालकांनी स्वतःच्या शब्दांत दिलेले छोटे-छोटे संदेश उपस्थितांची मने जिंकून गेले. “खेळातून शिक्षण आणि कृतीतून संस्कार” या संस्कारखेळवाडीच्या संकल्पनेचा सुंदर प्रत्यय या उपक्रमातून आला.
या उपक्रमाचे नियोजन मुख्यध्यापिका कोमल मिश्रा, रुपाली बागुल, रूपाली गागरे आणि उमेश कुलकर्णी यांनी केले. पालकांच्या उत्स्फूर्त सहभागामुळे स्पर्धेला विशेष रंगत आली.

अजून बातम्या वाचा..

नगरपालिका प्रशासनाचा शहरातील समस्यांकडे दुर्लक्ष – शिवसेना उद्धव बाळासाहेब ठाकरे गटाचा आंदोलनाचा इशारा

नगरपालिका प्रशासनाचा शहरातील समस्यांकडे दुर्लक्ष – शिवसेना उद्धव बाळासाहेब ठाकरे गटाचा आंदोलनाचा इशारा

मनमाड शहरातील नागरिकांना अनेक संकटांना सामोरे जावे लागत असून मुलभूत सुविधांचा अभाव व समस्यांबाबत...

read more
येवल्यातील सहाय्यक पोलीस निरीक्षक आणि पोलीस शिपाई लाच लुचपत प्रतिबंधक विभागाच्या जाळ्यात

येवल्यातील सहाय्यक पोलीस निरीक्षक आणि पोलीस शिपाई लाच लुचपत प्रतिबंधक विभागाच्या जाळ्यात

येवला शहर पोलीस स्टेशन येथील सहाय्य पोलीस निरीक्षक व पोलीस शिपाई हे दोघेही लाच प्रकरणात लाच लुचपत...

read more
[hsas-shortcode group="" speed="10" direction="left" gap="50"]