26 नोव्हेंबर 2008 रोजी मुंबईवर झालेल्या दहशतवादी हल्ल्याला आज 13 वर्ष पूर्ण होत आहेत. याच दिवशी पाकिस्तानातून आलेल्या 10 दहशतवाद्यांनी मुंबई हादरवून टाकली होती. दहशतवाद्यांच्या या भ्याड हल्ल्यात पोलीस दलातील अधिकारी शहीद आणि शेकडो लोक मृत्यूमुखी पडले तर कित्येक लोकांनी आपलं सर्वस्व गमावलं. आजही 13 वर्षानंतर या हल्ल्याच्या जखमा ताज्या आहेत.या हल्ल्यात मृत्युमुखी पडलेल्या लोकांना आज अनेक ठिकाणी आदरांजली वाहण्यात येत आहे.
आज शहरातील प्रसिद्ध असणाऱ्या श्री गुप्तसर साहेब गुरुद्वारामध्ये 26/11ला मुंबई येथे दहशतवादी हल्ल्यात शहिद झालेल्या विरांना आदरांजली वाहण्यात आली.याप्रसंगी पोलीस उपअधीक्षक श्री समिरसिंग साळवे , प्रभारी पोलीस निरीक्षक श्री प्रल्हाद गीते , मुख्याधिकारी श्री डॉ. विजकुमार मुंडे , मनमाड गुरुद्वारा प्रबंधक बाबा रणजित सिंगजी , शहरातील सर्व धर्मियांचे धर्मगुरू , मान्यवर आणि नागरिक उपस्थित होते.
