देशात दिवसेंदिवस वाढत असलेले पेट्रोल-डिझेलचे दर, महागाई, बेरोजगारी, वाढते खाजगीकरण, घरगुती गॅसचे वाढते दर, शेतमालास हमीभाव देण्यास आलेले अपयश, देशाचा खालावलेला विकास दर या सर्वांचा निषेध करण्यासाठी काँग्रेस पक्षातर्फे संपूर्ण राज्यभर जनजागरण अभियान आयोजित करण्यात आले आहे. मनमाड शहरात देखील शहरातील मुख्य रस्त्यावरून काँग्रेस तर्फे पदयात्रा काढून केंद्र सरकारचा निषेध करण्यात आला.
सदर पदयात्रेस तालुक्याचे माजी आमदार अनिल आहेर, मनमाड शहर काँग्रेस अध्यक्ष अफजल शेख, मा.नगरसेवक संजय निकम, संतोष आहिरे, मिलिंद उबाळे, नाजीम शेख, शशिकांत व्यवहारे, भीमराव जेजुरे, बाळासाहेब साळुंके, भागीनाथ शिवदे, इम्रान शाह, अनिल गुंदेचा, काँग्रेस पदाधिकारी व कार्यकर्ते मोठ्या संख्येने उपस्थित होते.
