मनमाड बचाव कृती समितीच्या वतीने शहरातील वेटलिफ्टिंग खेळात चमकदार कामगिरी करणाऱ्या महिला खेळाडूंचा काल क्रांतीज्योती सावित्रीबाई फुले यांच्या पुण्यतिथी आणि जागतिक महिला दिनानिमित्त सत्कार करण्यात आला.
क्रांतीज्योती सावित्रीबाई फुले यांच्या प्रतिमेला अभिवादन करून , मनमाड शहराचे नाव वेटलिफ्टिंग खेळामध्ये राज्यासह संपुर्ण देशामध्ये पोहोचवणारे वेटलिफ्टिंग खेळाचे प्रशिक्षक श्री प्रविण व्यवहारे सर आणि या खेळामध्ये राज्य तसेच राष्ट्रीय स्थरापर्यंत चमकदार कामगिरी करून अनेक पदे आपल्या नावावर करणाऱ्या महिला खेळाडु तसेच या सर्व खेळाडूंच्या मागे खंबीरपणे उभे राहून त्यांचे मनोबल वाढवणाऱ्या त्यांच्या मातांचा देखील सत्कार मनमाड बचाव कृती समितीच्या महिला आघाडीच्या वतीने करण्यात आला.यावेळी उपस्थित मान्यवर आणि खेळाडु यांनी आपले विचार व्यक्त केले.
या कार्यक्रमास मनमाड बचाव कृति समितीचे सर्व सदस्य आणि पदाधिकारी उपस्थित होते.
