भुवनेश्वर ओरिसा येथे सुरू असलेल्या राष्ट्रीय युथ ज्युनिअर, सिनियर, वेटलिफ्टिंग स्पर्धेत जय भवानी व्यायामशाळा व गुरू गोविंद सिंग हायस्कुलची विद्यार्थीनी आकांक्षा किशोर व्यवहारे हिने सलग दुसऱ्या राष्ट्रीय स्पर्धेत सुवर्ण पदक पटकावले आहे. 40 किलो वजनी गटात भारतातील 17 खेळाडूंनी सहभाग घेत स्पर्धेत चुरस निर्माण केली.आकांक्षा ने स्नॅच च्या पहिल्याच प्रयत्नात राष्ट्रीय विक्रमाची बरोबरी करताना 53 किलो स्नॅच, दुसरा प्रयत्न नवीन राष्ट्रीय विक्रम 56 किलो व तिसऱ्या प्रयत्नात पुन्हा एकदा नवीन राष्ट्रीय विक्रम करीत स्नॅच मध्ये 58 किलो वजन उचलून नवीन विक्रम स्थापित केला. क्लीन जर्क या प्रकारात ही 63 किलो च्याआपल्या पाहिल्या प्रयत्नात पुन्हा एकदा राष्ट्रीय विक्रम स्थापित करून दुसऱ्या प्रयत्नात 66 किलो व तिसऱ्या प्रयत्नात 69 किलो वजन क्लीन जर्क मध्ये उचलून एकूण दोन्ही प्रकारात 127 किलो वजन उचलीत सात राष्ट्रीय विक्रम मोडीत काढत ऐतिहासिक कामगिरी बजावली एकाच स्पर्धेत सात राष्ट्रीय विक्रम स्थापित करणारी आकांक्षा महाराष्ट्रातील पहिलीच खेळाडू ठरली आहे.
यशस्वी खेळाडूस छत्रे विद्यालयाचे क्रीडा प्रशिक्षक प्रवीण व्यवहारे एन आय एस प्रशिक्षक तृप्ती पाराशर यांचे मार्गदर्शन लाभले आहे.
जयभवानी व्यायामशाळेचे अध्यक्ष डॉ विजय पाटील,मोहन अण्णा गायकवाड, प्रा दत्ता शिंपी, छत्रे विद्यालयाचे आधारस्तंभ पी जी धारवाडकर, अध्यक्ष पी जे दिंडोरकर ,सचिव दिनेश धारवाडकर, संचालक नाना कुलकर्णी,प्रसाद पंचवाघ, मुख्याध्यापक आर.एन.थोरात, उपमुख्याध्यापक संदीप देशपांडे, पर्यवेक्षिका एस. एस. पोतदार यांनी अभिनंदन केले व पुढील स्पर्धेसाठी शुभेच्छा दिल्या.
