लोककवी वामनदादा कर्डक यांनी हयातभर आपल्या साहित्य शाहिरी कवनातून भारतीय संविधानिक मूल्य लोकशाही,समता,स्वातंत्र्य,न्याय, बंधुता,धर्मनिरपेक्षता,वैज्ञानिक दृष्टिकोन-अंधश्रद्धा निर्मूलन,राष्ट्रीय एकता व एकात्मता आपल्या लेखणीतून जनमाणसात रुजवली आहे. लोककवी वामनदादा कर्डक यांची हे वर्ष जन्मशताब्दी वर्ष आहे वामनदादांच्या हयातीत व कायदेशीर अनुमतीने आपण स्थापन केलेल्या लोककवी वामनदादा कर्डक प्रतिष्ठान (फाउंडेशन) नाशिक महाराष्ट्रच्या सामाजिक न्याय विभाच्यावतीने “संविधान शाहिरी वर्ष” म्हणून साजरे केले जात आहे.
महाराष्ट्र शासन व भारतरत्न डॉ बाबासाहेब आंबेडकर संशोधन व प्रशिक्षण संस्था बार्टी पुणे यांनी राज्यभर विविध सांस्कृतिक सामाजिक प्रबोधनपर कार्यक्रम आयोजित करून लोककवी वामनदादा कर्डक यांचे जन्मशताब्दी वर्ष हे संविधान शाहिरी वर्ष म्हणून साजरे करून त्यांचे अप्रकाशित साहित्य प्रकाशित करावे या सह अन्य मागण्यांचे निवेदन लोककवी वामनदादा कर्डक प्रतिष्ठनाचे संस्थापक प्रा शरद शेजवळ यांनी बार्टी चे महासंचालक डॉ.धम्मज्योती गजभिये यांना दिले.यावेळी भरतीचे प्रज्ञा मोहिते,प्रतिष्ठानचे प्रफुल्ल ओवाहळ, सुनंदा गायकवाड आदी उपस्थित होते.
निवेदनातील महत्वपूर्ण मागण्या :
१) लोककवी वामनदादा कर्डक यांचे अप्रकाशित साहित्य “समग्र वामनदादा कर्डक” या नावाने आपल्या बार्टी या संस्थेच्या वतीने प्रकाशित
करावे त्याच प्रमाणे वामनदादा कर्डक यांचे साहित्य दृष्टिहीन बांधवांसाठी ब्रेल लिपी मध्ये करावे याचा प्रयोग पहिली आवृत्ती प्रकाशित करून आम्ही केला आहे तो आता पार्टीच्या माध्यमातून दुसऱ्या आवृत्तीच्या स्वरूपात करण्यात यावा.(संपादनाची जबाबदारी प्रतिष्ठान घेईल)
२) लोककवी वामनदादा कर्डक जन्मशताब्दी वर्ष हे संविधान शाहिरी व वर्ष म्हणून साजरे करावे.
३) महाराष्ट्रातील शाळा- महाविद्यालयातील युवक-युवती व शाहिरी कलावंतांचे बार्टी समता दूत सोबत सामाजिक प्रबोधन व संविधान कवन-शाहिरी गीत लेखन सादरीकरण कार्यशाळा आयोजित करण्यात याव्यात.
४) लोककवी वामनदादा कर्डक यांच्या साहित्य शाहिरी गीत रचनांवर परिसंवाद,चर्चासत्र साहित्य संमेलने मुलाखती आयोजित करण्यात यावेत.
५) लोककवी वामनदादा कर्डक यांच्या जीवनकार्यावर आधारित माहितीपट तयार करण्यात यावा.
६) शाळा महाविद्यालयीन विद्यार्थी व खुल्या गटासाठी निबंध,वकृत्व,पथनाट्य स्पर्धा व राज्य स्तरावर आयोजित करण्यात यावी.
७) लोककवी वामनदादा कर्डक यांच्या सह अन्य गझलकार यांचे दुसरे आंबेडकरवादी गझल संमेलन घेण्यात यावे.
८) लोककवी वामनदादा कर्डक यांचे आंबेडकरी चळवळीतील योगदान व खुद्द बाबा साहेबांच्या सभा संमेलनातून गीत गायन गीतलेखन या अभूतपूर्व अलौकिक अशा योगदान लक्षात घेऊन त्यांचे कार्य महाराष्ट्रातील समाज सुधारक व प्रतिभावान साहित्यिक यांच्या योगदान समकक्ष यादीत समाविष्ट करण्यात यावे.त्या बद्दल आवश्यक तो शासकीय स्तरावरील पडताळा करून त्यांच्या जन्मशताब्दी वर्षात त्यांच्या साहित्य साहिरी संशोधन शिक्षण प्रशिक्षणाचे कार्य हाती घेण्यात यावे.
९) बार्टीने यापूर्वी महाराष्ट्रातील आंबेडकरी शाहीर कलावंत गायक लेखक कवी यांचा केलेला सर्वे अत्यंत महत्त्वाचा असून त्या सर्व कलाकारांना आपल्या या उपक्रमात सहभागी करून घ्यावे.
१०) लोककवी वामनदादा कर्डक प्रतिष्ठान फाउंडेशन नाशिक ही संस्था वरील सर्व उपक्रम कार्य कृती करण्यासाठी तयार असून सदर कार्यक्रम हे डॉ बाबासाहेब आंबेडकर संशोधन व प्रशिक्षण संस्था बार्टी पुणे व लोककवी वामनदादा कर्डक प्रतिष्ठान फाऊंडेशन नाशिक महाराष्ट्र असे संयुक्त विद्यमाने घेण्यात यावे.
