दिनांक 10 डिसेंबर 2022 के आर टी स्कूल मध्ये आयोजित प्लास्टिक पुन॔वापर चळवळ या कार्यक्रमाप्रसंगी बोलताना श्री विकास काकडे यांनी मुलांना मोलाचा संदेश दिला. प्लास्टिक वापर टाळा असे जनतेला सांगून सुद्धा लोक प्लास्टिकचा वापर सतत करतच आहेत. आणि त्याचा परिणाम म्हणून डोंगराएवढे प्लास्टिकचे ढीग दिवसेंदिवस वाढतच आहे .म्हणून काकडे सर यांचे संकल्पनेतून प्लास्टिक पुन॔वापर चळवळ हा उपक्रम सर्व शाळांमधून व घराघरातून राबविण्याचा त्यांचा मानस आहे. आपल्या घरातील छोट्या व निरूपयोगी अशा प्लास्टिकच्या वस्तू एका पिशवीत जमा करून याला पंधरा दिवसानंतर शाळेत जमा करायच्या आहेत . या उपक्रमात भाग घेणाऱ्या विद्यार्थ्यांसाठी लकी ड्रॉ पद्धतीने तीन विद्यार्थी काढण्यात येऊन त्यांना मान्यवरांच्या हस्ते प्रमाणपत्र देऊन गौरविण्यात येणार आहे.व त्यांना पर्यावरण मित्र या उपाधीने गौरविण्यात येईल या उपक्रमाचे सर्व शिक्षकांनी व विद्यार्थी मित्रांनी कौतुक केले आहे. व यातही सर्वांनी योगदान करण्याचे वचन दिले आहे. या उपक्रमाची सुरुवात के. जी. विभागातील बाळगोपाळां पासून करण्यात आली” प्लास्टिक प्रदूषण रोखण्यासाठी आमचा खारीचा वाटा” या घोषवाक्याने त्यांनी त्यांचे योगदान दिले .या कार्यक्रमाप्रसंगी शाळेचे प्राचार्य मुकेश मिसर. मुख्याध्यापक दीपक व्यवहारे. उपप्राचार्य वैभव कुलकर्णी. विश्वस्त धनंजय निंभोरकर. व शिक्षक शिक्षकेतर कर्मचारी विद्यार्थी यावेळी मोठ्या संख्येने उपस्थित होते.
