मनमाड- तालुका विधी सेवा समिती, मनमाड व मनमाड वकिल संघ यांचे संयुक्त विद्यमाने मुख्य मध्यस्थी केंद्र उच्च न्यायालय, मुंबई यांचे अॅक्शन प्लॉन २०२२ – २०२३ अन्वये मध्यस्थी जनजागृती कार्यक्रमाचे आयोजन आज दिनांक १७/१२/२०२२ रोजी न्यायदान कक्ष, सह दिवाणी न्यायालय के स्तर, मनमाड येथे दुपारी २:०० वाजता करण्यात आले. या कार्यक्रमाचे आयोजन श्रीमती. श. आ. लोमटे, दिवाणी न्यायाधीश, क-स्तर व न्यायदंडाधिकारी, प्रथम वर्ग, मनमाड यांचे मार्गदर्शनाखाली आयोजीत करण्यात आले होते.
सदर मध्यस्थी जनजागृती कार्यक्रमाचे प्रसंगी मा. श्री. ए. आर. मुक्कनवार, सह दिवाणी न्यायाधीश, क-स्तर, मनमाड हे सदर कार्यक्रमाचे अध्यक्ष स्थानी होते. सदर शिबीर प्रसंगी मनमाड न्यायालयातील पक्षकार मनमाड वकिल संघाचे पदाधिकारी व वकिल वर्ग कर्मचारी, पक्षकार उपस्थिती होती.
कार्यक्रमाचे प्रास्ताविक व सुत्रसंचालन अँड. श्री. किशोर एम. चोरडीया यांनी केले. सदर कार्यक्रमाचे प्रसंगी तालुका विधी सेवा समिती, मनमाड चे पॅनल अॅड. रमेश. बी. अग्रवाल यांनी उपस्थीतांना मध्यस्थी बाबतची प्रकिया व फायदे विषयी माहीती दिली. त्यानंतर अॅड. अमिर एस. खान यांनी उपस्थितांना मार्गदर्शन केले. अखेरीस मा. श्री. ए.आर. मुक्कनवार साहेब, सह दिवाणी न्यायाधीश, क-स्तर व न्यायदंडाधिकारी, प्रथम वर्ग, मनमाड यांच्या मध्यस्थी या विषयावर मार्गदर्शनपर अध्यक्षिय भाषणाने कार्यक्रमाची सांगता करण्यात आली.
सदर कार्यक्रम यशस्वी करणेकामी मनमाड न्यायालयातील न्यायिकअधिकारी, मनमाड वकिल संघाचे पदाधिकारी, वकिल वर्ग व न्यायालयीन कर्मचारी तसेच पी. एल. व्ही. यांनी परिश्रम घेतले.
