मनमाड :- मनमाड शहरातील चाकर मान्यांची सोयीची गाडी गोदावरी एक्सप्रेस च्या वेळी सुरू केलेली पर्यायी विशेष गाडीला ३१ मार्च पर्यंत मुदत वाढ दिली आहे मात्र ही गाडी गुरुवारी धावणार नाही. ही गाडी छत्रपती शिवाजी महाराज टर्मिनस ऐवजी दादरपर्यंतच धावणार आहे.त्यामुळे पुन्हा मनमाड, नाशिक हुन थेट सीएसएमटी ला जाणाऱ्या प्रवाशांची मोठी अडचण होणार आहे. प्रवाशांची अतिरिक्त गर्दी लक्षात घेऊन रेल्वे प्रशासनाने दादर बलिया – दादर, दादर – • गोरखपुर -दादर, मनमाड – दादर दादर- मनमाड और लो. तिलक ट. – बल्लारशाह – लो. तिलक ट. या विशेष ट्रेनचा कालावधी वाढवण्याचा निर्णय घेतला आहे. त्याचा तपशिल खाली दिलेल्यानुसारः १) ट्रेन क्रमांक ०१०२५ व ००१०२६ दादर – बलिया – दादर विशेष ट्रेन २ जानेवारी ते १ मार्चपर्यंत २५ फे-यांसाठी वाढवण्यात आली आहे. ही ट्रेन आठवड्यातून तीन दिवस धावेल. २) ट्रेन क्रमांक ०१०२७ व ०१०२८ दादर गोरखपूर- दादर स्पेशल ट्रेन १ जानेवारी ते २ मार्च पर्यंत ३४ फेल्या करण्यात आली आहे. ही ट्रेन आठवड्यातून तीन दिवस धावेल. ३) ट्रेन क्रमांक ०२१०२ – मनमाड- दादर- मनमाड विशेष ट्रेन ६ जाने ते ३१ मार्चपर्यंत वाढवण्यात आली आहे. ही ट्रेन गुरुवार वगळता आठवड्यातून ६ दिवस धावेल.
