कवी रवींद्रनाथ टागोर इंग्लिश मीडियम स्कूल मध्ये आंतरराष्ट्रीय महिला दिन साजरा करण्यात आला. कार्यक्रमाच्या अध्यक्षस्थानी शाळेचे विश्वस्त धनंजय निंभोरकर यांच्या हस्ते सरस्वती पूजन करण्यात आले. यावेळी शाळेचे प्राचार्य मुकेश मिसर.उपप्राचार्य वैभव कुलकर्णी. मुख्याध्यापक दीपक व्यवहारे व शिक्षक शिक्षकेतर कर्मचारी व विद्यार्थी मोठ्या संख्येने उपस्थित होते. कार्यक्रमाचे आयोजन इयत्ता पहिली व इयत्ता सहावीच्या विद्यार्थ्यांनी केलेले होते. इयत्ता पहिलीच्या कुश पाटील. उत्कर्षा ठाकरे .आरव जोशी.सायुरी केदारे यांनी आपल्या भाषणात “वार नाही तलवार आहे ती समशेरीची धार आहे स्त्री म्हणजे अबला नाही ती तर धगधगता अंगार आहेत “अशा शब्दात इयत्ता पहिलीच्या विद्यार्थ्यांनी आपले मनोगत व्यक्त केले .इयत्ता पहिलीच्या विद्यार्थ्यांनी महिला दिनाचे औचित्य साधून वेशभूषा धारण केली. स्वरा गंगेले तिने नर्सची वेशभूषा साकारली. ब्लेसी राठोड ने मदर तेरेसा ची वेशभूषा साकारली .तानिया सुखडिया ने सानिया नेहवाल ची वेशभूषा साकारली .शरयू नागरे कार्तिकी सांगळे यांनी राणी लक्ष्मीबाईची वेशभूषा साकारली दर्शनी साळवे हिने सावित्रीबाईची वेशभूषा साकारली श्रेशा घटकर हिने शिक्षिकेची ची वेशभूषा साकारली इयत्ता सहावीच्या गौरी सोनवणे एक सुंदर गीत गायले “जन्म बाईचा बाईचा खूप घाईचा एक आईचा आईचा एक ताईचा त्यानंतर समीक्षा आव्हाड हिने ज्याला स्त्री आई म्हणून कळली तो जिजाऊचा शिवबा झाला आणि ज्याला स्त्री बहीण म्हणून कळली तो मुक्ताईचा ज्ञानदेव झाला ज्याला स्त्री मैत्रीण म्हणून कळली तो राधेचा श्याम झाला आणि ज्याला स्त्री पत्नी म्हणून कळली तो सीतेचा राम झाला अशा शब्दात विद्यार्थ्यांनी आपले मनोगत व्यक्त केले त्यानंतर रुद्राणी देशमानकर हिने आपले विचार प्रकट केले या विद्यार्थ्यांना सौ तेजस्विनी चांदेकर व कुमारी अमिता झाडे यांचे मोलाचे मार्गदर्शन मिळाले कार्यक्रमाचे सूत्रसंचालन व आभार प्रदर्शन देवश्री शर्मा हिने केले.
