सुनिल नरेन चा गोलंदाजीत कमाल – स्थानिक स्पर्धेत सात निर्धाव षटकांमध्ये घेतले सात बळी

इंडियन प्रीमियर लीगच्या इतिहासातील सर्वात यशस्वी गोलंदाजांपैकी एक असलेल्या सुनील नरेन वर या हंगामातही सर्वांचे लक्ष असणार आहे. IPL 2023 सुरू होण्यापूर्वी सुनील नरेनने एका सामन्यात आश्चर्यकारक गोलंदाजी केली आहे. त्याने सामन्यात 7 षटके टाकली, ज्यामध्ये सर्व निर्धाव होते आणि या दरम्यान त्याने 7 बळी देखील घेतले.
सुनील नरेनने वेस्ट इंडिजमध्ये खेळल्या जाणाऱ्या स्थानिक स्पर्धेत हा पराक्रम केला. क्वीन्स पार्क क्रिकेट क्लबकडून खेळताना सुनील नरेनने क्लार्क रोड युनायटेडविरुद्ध कहर केला. त्याच्या या अप्रतिम पराक्रमामुळे प्रतिस्पर्धी संघ पहिल्या डावात अवघ्या 76 धावांत सर्वबाद झाला.