अंगणवाडी सेविका रंजना निकम यांच्या पाक कृतीचे होत आहे कौतुक

राष्ट्रीय पोषण पंधरवडा २०२३ चे कालावधीत लाभार्थींसाठी उपयुक्त ठरणाऱ्या अशा दररोज नव्या पाककृती तयार करतात अंगणवाडी सेविका रंजना ताई निकम.पालकांकडून या अभिनव उपक्रमाचे होते आहे कौतुक मयुरी महिरे मुख्यसेविका एबाविसेयो प्रकल्प (नागरी) नाशिक-२.
दिनांक २० मार्च ते ०३ एप्रिल २०२३सर्वत्र पोषण पंधरवडा साजरा केला जातो आहे..याकालावधीत एकात्मिक बाल विकास सेवा योजना प्रकल्प (नागरी) नाशिक-२ अधिनस्त अंगणवाडी केंद्र कार्यक्षेत्रात विविध उपक्रमांचे दैनंदिन वेळापत्रकानुसार आयोजन केले जाते आहे..पोषणाचे वर्तनात बदल घडवून आणणेसाठी लोकसहभाग मिळविला जात आहे..यात विविध थीमवर आधारीत उपक्रम राबवुन सोशल मिडियाचा जास्तीत-जास्त वापर करुन जनजागृती केली जात आहे..या पोषण पंधरवड्याचे औचित्यसाधून लाभार्थींना पोषणासाठी उपयुक्त ठरणारी अशी दररोज एक पाककृती बनवून त्या व्हाट्स अँपग्रुपद्वारे पालकांपर्यंत पोहोचवत आहेत..सदर पाककृती सोशल मिडियावर टाकल्या जात आहेत..जेणेकरुन इतर नागरिकांनाही याचा फायदा व्हावा.रंजना ताई निकम भगुर या फक्त पाककृतीच तयार करत नसुन त्या पाककृतीची सविस्तर माहिती, त्यासाठी लागणारे साहित्य, पाककृतींचा लाभार्थींना होणारा फायदा याबाबीही त्या सर्वांपर्यंत सोशल मिडियाद्वारे मेसेज करुन पोहोचवत आहेत..यासर्व पाककृती स्थानिक पदार्थ, पालेभाज्या, फळभाज्या वापरुन बनविल्या जाताता..ह्या पाककृतींद्वारे लाभार्थी/पालकांना स्थानिक पदार्थांचा आहारात वापर व उपयोग याबाबीही पटवून दिल्या जात आहे. त्यांच्या या अभिनव उपक्रमाचे पालकवर्गाकडून कौतुक केले जात असल्याची माहिती मुख्यसेविका मयुरी महिरे यांनी दिली..