नांदगाव- येवला रस्त्यावर रविवारी संध्याकाळी भरधाव कारने सायंकाळी चालण्यासाठी गेलेल्या दोघांना धडक दिल्याची घटना घडली आहे. या अपघातात नांदगाव चे प्रसिद्ध गायनाचार्य केशव दत्तात्रय जाधव वय (४५) हे जागीच ठार झाले तर त्यांच्यासोबत असलेले अतुल चव्हाण हे गंभीर जखमी झाले आहे.नांदगाव शहरातील विवेकानंद नगर येथील प्रसिद्ध गायनाचार्य केशव महाराज जाधव व प्राथमिक शाळेचे शिक्षक अतुल चव्हाण दररोज सायंकाळी चालण्यासाठी येवला रस्त्यावर जातात. रविवारी सायंकाळी ते नेहमी प्रमाणे चालण्यासाठी गेले होते. नांदगावच्या दिशेने येत असताना भरधाव कारने त्यांना पाठीमागून जोरदार धडक दिली. या अपघातात केशव महाराज जागीच ठार झाले तर अतुल चव्हाण गंभीर जखमी झाले. अतुल चव्हाण यांना उपचारासाठी मालेगावला हलविण्यात आले.या अपघातात जीव गमावणारे केशव महाराज जाधव हे प्रसिद्ध गायनाचार्य असून ते मूळचे लक्ष्मीवाडीतील रहिवासी होते. विवेकानंद नगर येथे येवला नांदगाव येवला रोडवर त्यांचे रेडियम व पेंटिंगचे दुकान आहे. त्यांना परिसरात माऊली म्हणून ओळखले जायचे. त्यांच्या पश्चात वृद्ध वडील व बहीण असा परिवार आहे. त्यांच्या अपघातात बातमी येताच तालुक्यात हळहळ व्यक्त होत आहे .
मा. तात्यासाहेब तथा विश्वासराव देवरे, महाविद्यालय उमराणे व सावित्रीबाई फुले पुणे विद्यापीठ यांच्या संयुक्त विद्यमाने राष्ट्रीय सेवा योजना श्रमसंस्कार शिबिराचे उद्घाटन.
उमराणे:- श्री गणेश शिक्षण प्रसारक मंडळ, उमराणे संचलित, मा. तात्यासाहेब तथा विश्वासराव देवरे कला,...
