नवरात्रोत्सवाचे औचित्य साधत नऊ रंगांवर आधारित पाककृती उपक्रमाचे आयोजन

नवरात्रीचे औचित्य साधून बाल विकास प्रकल्प अधिकारी (ना) उल्हासनगर अंतर्गत नऊ रंगांवर आधारित पाककृती व इतर उपक्रमांचे आयोजन करण्यात आले आहे. बाल विकास प्रकल्प अधिकारी (ना) उल्हासनगर अंतर्गत २१७ अंगणवाडी केंद्र कार्यान्वीत आहेत.दिनांक १५ आॕक्टोबर २०२३ ते दिनांक २३ आॕक्टोबर २०२३ या कालावधीत नवरात्रीचे औचित्य साधून प्रकल्प कार्यक्षेत्रात नऊ रंगांवर आधारित पाककृती व इतर उपक्रमांचे आयोजन केल्याची माहिती बाल विकास प्रकल्प अधिकारी अजय फडोळ यांनी दिली..सदर कालावधीत उपक्रम घेण्यासाठी आयुक्तालयाकडून प्राप्त पत्र प्रकल्पातील सर्व अंगणवाडीताई, मदतनिसताई यांना देण्यात आलेले आहे.यात दैनंदिन पाककृती व इतर उपक्रमांचे वेळापत्रक देण्यात आलेले आहे.त्यानुसार तसेच इतरही नाविन्यपूर्ण उपक्रम घेण्याची मुभा देण्यात आलेली आहे.या पत्रात नमुद केल्याप्रमाणे नवरात्री सणाचे औचीत्य साधून नऊ रंगांची पोषक पाककृती व या रंगांवर आधारित विविध उपक्रम राबविले जाणार आहेत..यावेळी रांगोळी, पाककला, किशोरवयीन मुलींसाठी निबंध, चित्रकला, अंगणवाडीतील बालकांसाठी रंग आधारित वेशभुषा,प्रश्न मंजुषा इ. स्पर्धांचे आयोजन केले जाणार आहे..रंगांवर आधारित पाककृतींचे चित्र प्रदर्शन, अंगणवाडीतील बालकांचे गरबा न्यृत्य इ. चे आयोजन केले जाणार आहे..विविध रंगांची फळे, पालेभाज्या, डाळी, कडधान्य, भरडधान्य, ७ अन्नगट इ.च्या माध्यमातून लाभार्थींच्या पालकांना योग्य पोषणाचे महत्व सोप्या पद्धतीने पटवून देण्याचा प्रयत्न केला जाणार आहे…यासाठी सर्व अंगणवाडीताई व सर्व मदतनिसताई यांना विजया कुंभार, शोभा चौगुले, सुषमा केणी, श्रृतिका मोहिते या मुख्यसेविका मार्गदर्शन करत आहेत.