के आर टी शाळेत पालकांसाठी ओपन हाउस संपन्न

मनमाड – येथील कवि रबिंद्रनाथ टागोर हायस्कूल व ज्यु. कॉलेज, मनमाड विज्ञान व वाणिज्य विभागाच्या पालकांसाठी ओपन हाउस आयोजित करण्यात आले होते. कार्यक्रमाच्या अध्यक्षस्थानी प्राचार्य श्री. मुकेश मिसर हे होते. विज्ञान विभागाचे प्रास्ताविक सौ. मेघा हलवर यांनी तर वाणिज्य विभागाचे प्रास्ताविक सौ. संगिता सणस यांनी केले.

या ओपन हाउसमध्ये उपस्थित पालकांना प्रथम सत्रांत परीक्षेचा निकाल व विदयार्थ्यांच्या प्रगतीसंदर्भात तसेच आगामी काळात देखील विदयार्थ्यांनी नियमित व नियोजनबध्द पध्दतीने विषयनिहाय परीक्षांची तयारी कशी करावी, स्वयं-अध्ययन व अद्ययावत तंत्रज्ञानाच्या माध्यमातून आपल्या बौध्दिक क्षमतांचा विकास कसा साधावा याचे मार्गदर्शन प्राचार्य श्री. मुकेश मिसर यांनी केले.

सदर उपक्रमास विदयार्थी व त्यांचे पालक आवर्जून उपस्थित होते. विज्ञान विभागासाठी विषयनिहाय मार्गदर्शन श्री. धनंजय निंभोरकर तसेच प्रा.मेघा हलवर, प्रा. सुजाता लोहकरे, प्रा.सागर गुंजाळ व प्रा.साक्षी वैद्य यांनी केले. तर वाणिज्य विभागासाठी विषयनिहाय मार्गदर्शन प्रा.अमिता झाडे, श्वेता व्दिवेदी यांनी केले.