मनमाड: येणाऱ्या लोकसभा निवडणूक मोठ्या प्रमाणे मतदारांनी सहभागी होऊन आपल्या अमुल्य अशा मतदानाचा अधिकार बजवावा, यासाठी शासनाच्या कार्यक्रमांतर्गत येथील सेंट झेवियर हायस्कूलतर्फे विविध उपक्रम राबवण्यात आले. या मतदान जनजागृती अभियानांतर्गत शालेय विद्यार्थ्यांनी प्रभात फेरी काढली तसेच नगर चौकी,छ. शिवाजी चौक, डॉ. बाबासाहेब आंबेडकर पुतळ्याजवळ, रमाबाई नगर या ठिकाणी पथनाट्य सादर करून सादर केले.चटकदार संवाद आणि डोळ्यात अंजन घालणारी वाक्ये तसेच जोडीला ‘सोडा सर्व काम चला करूया मतदान’, ‘ जना मनाची पुकार आहे- मतदान आमचा अधिकार आहे ‘ अशी घोषवाक्ये तसेच मतदानाचे आवाहन करणारे गीत यांमुळे कलाकार विद्यार्थ्यांनी उपस्थित नागरिकांची मन जिंकली. या पथनाट्यास शाळेचे माननीय मुख्याध्यापक फादर मॅल्कम (मार्गदर्शन) ,सौ.लीना जाधव (पथनाट्य लेखन व दिग्दर्शन), श्री अशोक गायकवाड (मतदान गीत लेखन व ढोलकी वादन), सौ अंजलीना झेवियर,सौ.एलिझाबेद शेल्टे, श्री विजय मोहिते, श्री खंडू गोडगे यांचे विशेष सहकार्य लाभले.
पथनाट्यात सहभागी विद्यार्थी – हंसिका पगारे, तनया मुळे, रोजी डॅनियल, आरती अहिरे, शितल साळवे, उत्कर्ष वाघमारे, हर्षदा कांबळे, श्रद्धा झाल्टे, रोही सूर्यवंशी, यथार्थ सोनवणे ,स्वप्निल सोनवणे, अनुज जाधव, कृष्णा मोहिते ,जय उबाळे, दर्शन गोवर इत्यादी विद्यार्थ्यांनी सहभाग नोंदवला. या सर्व विद्यार्थ्यांचे शाळेच्या पर्यवेक्षिका सिस्टर ज्योत्स्ना फादर लॉईड व शिक्षक शिक्षकेतर कर्मचाऱ्यांनी अभिनंदन केले आहे.
