मनमाड- शहरानजीक असलेल्या अंकाई किल्ला परिसरात पुन्हा एकदा बिबट्याचे दर्शन झाल्याने परिसरातील नागरिकांमध्ये भीतीचे वातावरण पसरले आहे.मंगळवारी सायंकाळी ५ वाजेच्या सुमारास अंकाई किल्ल्याच्या मागील बाजूस असलेल्या वसंत नगर परिसरातील शेतात जाणाऱ्या मार्गावर ह्या बिबट्याचे दर्शन झाल्याने ह्या भागातील शेतकरी, विद्यार्थी, मजूर काम करणारे तसेच अंकाई किल्ल्यावर ट्रेक साठी जाणार्यामध्ये खळबळ उडाली असून श्रावण महिन्यांत अंकाई किल्ल्यावर दर्शनासाठी येणाऱ्या भाविकांची संख्या जास्त असून नागरिकांच्या सुरक्षेच्या दृष्टिकोनातून वन विभागाने त्वरित ह्या भागात पिंजरा लावावा अशी मागणी होत आहे.
