नांदगाव येथे आयोजित करण्यात आलेल्या तालुकास्तरीय योग स्पर्धेत प्रकृती स्कूलच्या विद्यार्थ्यांनी उत्कृष्ट कामगिरी करत शाळेच्या शिरपेचात मानाचा तुरा रोवला. विविध योगप्रकारांमध्ये विद्यार्थ्यांनी उल्लेखनीय सादरीकरण करत प्रथम क्रमांक पटकावला असून त्यांची जिल्हास्तरीय योग स्पर्धेसाठी निवड झाली आहे.
ट्रेडिशनल योग सिंगल प्रकारात नमरा कादरी हिने उत्कृष्ट सादरीकरण करत प्रथम क्रमांक मिळविला. रिदम योग टीम प्रकारात ऋत्वा पटेल आणि अलीना कादरी यांनी उत्कृष्ट सांघिक सादरीकरण करत प्रथम क्रमांक पटकावला. तसेच आर्टिस्टिक योग टीम प्रकारात सिमराह कादरी आणि अंशरा शाह यांनी आपल्या कौशल्यपूर्ण सादरीकरणाने प्रथम क्रमांक मिळविला.
विद्यार्थिनींना शाळेचे क्रीडाशिक्षक करुणा मॅडम यांचे अनमोल मार्गदर्शन मिळाले. तसेच हरीश सर , धीरज सर यांचे देखील मार्गदर्शन मिळाले.
या सर्व यशस्वी विद्यार्थ्यांची आता जिल्हास्तरीय योग स्पर्धेसाठी निवड झाली आहे. विद्यार्थ्यांच्या या उल्लेखनीय कामगिरीबद्दल शाळेचे मुख्याध्यापक माननीय सौरभजी जैन सर, उपमुख्याध्यापिका प्रिती परदेसी मॅडम, व शिक्षकवृंद यांनी विद्यार्थिनींचे अभिनंदन करून जिल्हास्तरीय स्पर्धेसाठी शुभेच्छा दिल्या.
योग, शिस्त, एकाग्रता आणि सातत्यपूर्ण सरावाच्या जोरावर विद्यार्थ्यांनी मिळवलेले हे यश इतर विद्यार्थ्यांसाठीही प्रेरणादायी ठरले आहे.
