Breaking News

[post-marguee]

[ays_poll id=7]

नांदगावला पावसाचे दमदार पुनरागमन; नागरिक धास्तावले

Sep 21, 2021

नांदगाव (प्रतिनिधी):- दोन ते तीन दिवसापासून दडी मारलेल्या पावसाने आज दुपारी पुन्हा दमदार हजेरी लावली. त्यामुळे लेंडी नदीला पुरसदृश्य परिस्थिती निर्माण झाल्याने नांदगावकर पुन्हा एकदा धास्तावले. तसेच रेल्वेचा भुयारी मार्ग पाण्याने भरल्याने नागरिकांचे हाल झाले. लेंडीनदी व शाकंबरीनदीला तेरा दिवसापूर्वी आलेला पूर ओसरत नाही तोच आज पुन्हा नद्या खळखळून वाहू लागल्या. आज सकाळपासून सुरू झालेल्या पावसाने दुपारी एक ते दिडच्या दरम्यान नांदगाव शहर व परिसरात जोरदार हजेरी लावली. शाकंबरी व लेंडी नदीला पुन्हा पाणी वाहू लागल्याने पुरसदृश्य परिस्थिती निर्माण झाली होती. शहर व रेल्वे फाटकाकडिल विवेकानंदनगर, मल्हारवाडी, चांडक प्लॉट, कैलास नगर, हमालवाडा, आनंद नगर, गंगाधरी, तहसिल कार्यालय, पंचायत समिती, ग्रामीण रूग्णालय, कोर्ट, कृषी उत्पन्न बाजार समिती आदि लोकवस्तीकडे नागरिकांना ये -जा करण्यासाठी रेल्वेने उभारलेल्या भुयारी मार्गात मोठ्या प्रमाणात पाणी साचल्याने नागरिकांना रेल्वे लाईनवरून जीव धोक्यात घालून जावे लागले. तर नदीकाठी बसलेल्या भाजी विक्रेत्यांची यामुळे एकच उडाली.
नदीकाठच्या नागरिकांनी सुरक्षित स्थळी स्थलांतर करावे, अशा सुचना नांदगाव नगरपरिषदेच्या प्रशासनाकडून देण्यात आल्या आहेत. दरम्यान, तहसिलदार, पोलिस प्रशासन व नगरपरिषद प्रशासन सतर्क झाले असून पुरस्थितीवर लक्ष ठेवून आहे. दरम्यान 8 सप्टेंबरला झालेल्या जलप्रलयातून अजुनही नांदगावकर सावरलेले नसतांना आज पुन्हा लेंडी नदीला जोरदार पाणी वाहू लागल्याने नांदगावकर मात्र आज चांगलेच धास्तावले आहे. दरम्यान, नांदगाव परिसरात यापूर्वी झालेल्या पावसाने शेतकर्‍यांचे अतोनात नुकसान झाले. तर आजच्या पावसाने होत्याचे नव्हते झाले आहे. शासनाने शेतकर्‍यांचा अंत न पाहता त्वरित त्यांना भरपाई द्यावी, अशी मागणी भारतीय जनता पार्टीचे ज्येष्ठ नेते सजनतात्या कवडे यांनी केली आहे.
शहरातील व्यवसायिकांनी केलेल्या अतिक्रमणाबाबत प्रशासन अ‍ॅक्शनमोडवर आले असून अधिकार्‍यांनी शहरातील विविध भागात विशेषत: नदीकाठच्या छोट्या- मोठ्या अतिक्रमण केलेल्या व्यवसायिकांना तीनच दिवसांचा अल्टीमेटम्फ देण्यात आल्याने एकच खळबळ उडाली आहे.
8 सप्टेंबर रोजी नांदगाव शहरातील लेंडी नदी व शाकंबरी नदीला महापूर आला होता. या महापूरात लेंडीनदीवरील फरशीपुलावर असलेल्या टपर्‍या पुराच्या पाण्यात अडकल्याने परिसरातील घरा – घरात पाणी घुसले तर डॉ.आंबेडकर चौक, गांधीचौक व फुले चौक आदी भागातील विविध दुकानांमध्ये पाणी घुसल्याने व्यावसायिकांचे मोठ्या प्रमाणावर नुकसान झाले आहे. या पार्श्वभूमीवर व्यापार्‍यांनी मुख्याधिकारी विवेक धांडे यांना निवेदन देऊन निवेदनात भविष्यात पुन्हा असा प्रसंग घडू नये म्हणून त्वरित पावले उचलावित यासाठी मागण्यांचे निवेदन नगरपरिषदेला दिले आहे. नगरपरिषदेने नदीकाठी असलेल्या टपरीधारक व्यवसायिकांना प्रत्यक्ष भेटून व त्यांचे मोबाईल नंबर घेवून त्यांचेशी संवाद साधुन तीन दिवसात आपले अतिक्रमण काढून घ्यावे अन्यथा नगरपरिषदेकडून काढण्यात येईल, असा इशारा दिला आहे. सदर मोहीम मुख्याधिकारी धांडे यांचे मार्गदर्शनाखाली राहुल कुटे, बंडू कायस्थ, गणेश पाटिल, अरूण निकम, श्रीमती मोरे, धनवटे, चोपडे, आनंद महिरे, वाघमारे, जाधव, पवार यांनी राबविण्यात येणार आहे.
दरम्यान, ज्याच्या कुटूंबाचा उदरनिर्वाह छोट्या व्यवसायावर अवलंबून आहे व अशा व्यवसायिकांसाठी पर्यायी व्यवस्था, जागा द्यावी तसेच सर्वांनाच एकाच मापदंडात तोलण्यात यावे. जेणेकरून कोणावर अन्याय होणार नाही ,अशी मागणीही सदर व्यवसायिकांनी केली आहे.

 

अजून बातम्या वाचा..

चांडवडी रुपय्या साहित्य कला रसिक मंडळाचा उपक्रम ; स्पर्धेसाठी कविता पाठविण्याचे आवाहन

चांडवडी रुपय्या साहित्य कला रसिक मंडळाचा उपक्रम ; स्पर्धेसाठी कविता पाठविण्याचे आवाहन

स्पर्धेसाठी कविता पाठवण्याचे आवाहन चांदवडी रुपय्या साहित्य कला रसिक मंडळ यांचे मार्फत घेण्यात...

read more
लम्पी रोगावर उपाययोजना तसेच कांद्याला क्विंटल मागे २००० रुपये अनुदान मिळावे : नांदगाव तालुका शिवसेनेची मागणी

लम्पी रोगावर उपाययोजना तसेच कांद्याला क्विंटल मागे २००० रुपये अनुदान मिळावे : नांदगाव तालुका शिवसेनेची मागणी

सध्या लम्पी रोगाचा प्रादुर्भाव वाढण्याची दाट शक्यता असून सुस्त पशुवैद्यकीय यंत्रणा चुस्त व दुरुस्त...

read more
अंगारक (मंगळी) संकष्ट चतुर्थी  निमित्त मंगळवारी वेशीतील श्री निलमणी गणेश मंदिरात धार्मिक कार्यक्रम

अंगारक (मंगळी) संकष्ट चतुर्थी निमित्त मंगळवारी वेशीतील श्री निलमणी गणेश मंदिरात धार्मिक कार्यक्रम

मनमाड शहराचे आराध्य दैवत आणि नवसाला पावणार गणपती म्हणून पंचक्रोशीत प्रसिद्ध असणाऱ्या वेशीतील श्री...

read more
शिवसेना नेते स्व.राजाभाऊ छाजेड स्मृतीदिन व स्व राजाभाऊ छाजेड तुफान चौक फलकाचे अनावरण

शिवसेना नेते स्व.राजाभाऊ छाजेड स्मृतीदिन व स्व राजाभाऊ छाजेड तुफान चौक फलकाचे अनावरण

मनमाड शहरातील शिवसेनेची बुलंद तोफ, शिवसेना माजी उपजिल्हाप्रमुख, मनमाड शहराचे माजी नगराध्यक्ष...

read more
सुवर्णकार तथा सामाजिक कार्यकर्ते संतोष दिंडोरकर यांचा पुढाकार : ना नफा ना तोटा तत्वावर लासलगाव वासीयांसाठी पुरविणार शुद्ध पाणी

सुवर्णकार तथा सामाजिक कार्यकर्ते संतोष दिंडोरकर यांचा पुढाकार : ना नफा ना तोटा तत्वावर लासलगाव वासीयांसाठी पुरविणार शुद्ध पाणी

लासलगाव सराफ असोसिएशनचे अध्यक्ष तथा सामाजिक कार्यकर्ते संतोष दिंडोरकर यांनी लासलगाव शहरातील...

read more
बघा व्हिडिओ – कातरवाडीचा महाविद्यालयीन विद्यार्थी मनमाडहुनबेपत्ता झाल्याने खळबळ:अज्ञात व्यक्ती विरोधात गुन्हा दाखल

बघा व्हिडिओ – कातरवाडीचा महाविद्यालयीन विद्यार्थी मनमाडहुनबेपत्ता झाल्याने खळबळ:अज्ञात व्यक्ती विरोधात गुन्हा दाखल

मनमाड पासून जवळच असलेल्या कातरवाडी तालुका चांदवड येथील बाळू बबन झाल्टे यांचा मुलगा प्रसाद बाळू...

read more
बघा व्हिडिओ – स्मशान भूमीतील ओट्यांची तातडीने दुरुस्ती करावी : राजे प्रतिष्ठान ची मागणी

बघा व्हिडिओ – स्मशान भूमीतील ओट्यांची तातडीने दुरुस्ती करावी : राजे प्रतिष्ठान ची मागणी

मनमाड शहरातील नागरिकांच्या मरणयातना ह्या मृत्यूपश्चात ही संपता संपत नसून शहरातील अमरधाम मधील...

read more
[hsas-shortcode group="" speed="10" direction="left" gap="50"]