अहिंसा हाच मानवाचा परम धर्म आहे, अहिंसेनेच जीवनाचा उद्धार होवू शकतो, भगवान महावीरांच्या या शिकवणीचा खऱ्या अर्थाने सन्मान करीत नांदगाव तालुक्याचे आमदार सुहास कांदे यांनी मात्र महिनाभरात दिलेला शब्द पूर्णत्वास नेला.
नांदगाव शहराच्या सुंदरतेत मोठी भर आमदार सुहास कांदे यांच्या प्रयत्नातून पडली आहे. नांदगाव शहराचे प्रवेशद्वार असलेल्या जुन्या पंचायत समिती कार्यालयाजवळ अहिंसा चौक उभारत सुहास कांदे यांनी राष्ट्रसंत गुरुमा गनिनी अर्यिका 105 श्री सुप्रकाशमतीजी माताजी यांना दिलेला शब्द मात्र महिन्याभरातच पूर्ण केला. रविवार दि.३१ रोजी या अहिंसा चौकाचा लोकार्पण सोहळा संपन्न झाला.
राष्ट्रसंत गुरुमा गनिनी अर्यिका 105 श्री सुप्रकाशमतीजी माताजी यांच्या उपस्थितीत, आमदार सुहास कांदे आणि सौ.अंजुम सुहास कांदे यांच्या हस्ते हा लोकार्पण सोहळा संपन्न झाला. अहिंसा चौक लोकार्पण सोहळ्याने नांदगाव नगरीच्या शिरपेचात मानाचा तुरा रोवला गेला असल्याची भावना नांदगाव शहरातून व्यक्त होत आहे.
सदर कार्यक्रमास नांदगावचे नगराध्यक्ष राजेश कवाडे तसेच जैन समाज बांधव मोठ्या संख्येने उपस्थित होते.
