मनमाड:- येथील मालेगांव रोडवरील अमरधाम पुलावर आज सकाळी ट्रक (RJ 50 GB 2527) व ॲक्टिवा दुचाकी यांच्यात झालेल्या अपघातात एक वृद्ध ठार झाल्याची घटना घडली आहे.याबाबत पोलिसात अपघाताचा गुन्हा दाखल करण्यात आला आहे.
याबाबत माहिती अशी की मनमाड शहरातून जाणाऱ्या इंदोर-पुणे महामार्गावर खाड्याचे साम्राज्य पसरले असल्याने आज पर्यंत खड्डे चुकविण्याच्या नादात अनेक जण मृत्युमुखी पडले आहेत.त्यातच असाच अपघात आज येथील अमरधामच्या पुलावर झाला असून खड्डा चुकवताना पाठीमागून आलेल्या ट्रकची जबर धडक बसल्याने त्यात तुकाराम सुखदेव खैरनार वय 64 राहणार येवला या वृद्धाचा जागीच मृत्यू झाला आहे. दरम्यान सदर वयोवृद्ध इसम हा आपल्या एक्टिवा दुचाकी क्रमांक एम.एच.१२ एनएल 0764 या गाडीवरून मालेगाव नाक्याकडे जात असताना सदरचा अपघात घडला यानंतर काही वेळ वाहतुकीची कोंडी निर्माण झाली होती पोलीस स्थानकात याबाबत गुन्हा दाखल करण्यात आला आहे. अपघाता नंतर ट्रक चालक फरार झाला असून पुढील तपास पोलीस हवलदार श्री बोडके साहेब हे करत आहेत.
श्री स्वामी समर्थ केंद्रामध्ये अखंड नाम ,जप, यज्ञ सप्ताहाचे आयोजन
मनमाड : योगेश म्हस्के येथील दिंडोरी प्रणित श्री स्वामी समर्थ केंद्रामध्ये श्री स्वामी समर्थ महाराज...
