Breaking News

[post-marguee]

[ays_poll id=7]

संक्रांतीनिमित्त वाणांच्या वस्तूंची दुकाने सजली !

Jan 11, 2022

मकरसंक्रांतीत तिळगूळ, हळदी – कुंकवाच्या वस्तूंसह वाणाचे साहित्य खरेदीसाठी शहरातील अत्तर गल्ली बाजारपेठेत महिलांची गर्दी वाढली आहे. यंदा वाणाच्या साहित्यात १५ ते २० टक्के वाढ झाली आहे. मात्र सध्या कोरोनामुळे कार्यक्रमांवर निर्बंध असल्याने यंदा हळदी-कुंकू कार्यक्रमावर संक्रांत येणार की काय अशी भीती निर्माण झाली आहे.

अवघ्या दोन दिवसांवर आलेल्या मकर संक्रांतीच्या तयारीसाठी महिलांची लगबगही सुरू आहे. तीळगूळ, हळदी – कुंकवाच्या वस्तूंसह वाणाचे साहित्य खरेदीसाठी शहरातील एकात्मता चौक, अत्तार गल्ली  य बाजारपेठेत महिलांची गर्दी होत आहे. तीळगूळ घ्या, गोड गोड बोला, असा संदेश देत एकमेकांविषयी आदर व्यक्त करण्याची प्रथा आहे. तर सुवासिनींना हळद कुंकू वाणाचे साहित्य देत शुभेच्छा दिल्या जातात मकरसंक्रांतीनिमित्त बाजारात सोबतच विविध प्रकारचे वाण, तीळगूळ, बांगड्या आदी साहित्य उपलब्ध आहे. यंदा वाण वस्तूंच्या दरात १५ ते २० टक्के वाढ झाल्याने महिलांनी प्लास्टिकच्या वस्तूंना पसंती दिल्याचे दिसते. वाणासाठी प्लास्टिकमध्ये १०० रुपयांपासून ते ५०० रुपये डझनपर्यंत वस्तू उपलब्ध आहेत तर स्टीलवस्तू २०० ते १००० रुपये डझनाने ते विक्रीसाठी उपलब्ध असल्याचे दुकानदारांनी सांगितले. संक्रांतीला वाण देण्यासाठी लागणाऱ्या वस्तूंमध्ये विविध प्रकारचे साहित्य बाजारात उपलब्ध आहे. हळद कुंकू, आरसा, पावडर डबे, मेहंदी कोण, नेल पॉलिश, कंगवे, ब्लाउज पीस तसेच ज्वेलरी बॉक्स, छोट्या पर्स, मोबाईल कव्हर, स्टिल भांड्यांमध्ये ताट, वाट्या, चमचे, बाउल, अगरबत्ती स्टँड आदी वस्तूंचा समावेश आहे. याशिवाय अनेक ठिकाणी स्वच्छतेचा संदेश देणाऱ्या वस्तूंचा प्रामुख्याने डसबीनचे वाण देण्यात येतात. दैनंदिन उपयोगी वस्तू प्लास्टिक, स्टीलच्या वस्तू दिल्यास, प्रत्येकीच्या वापरात येईलच असे नाही. त्यामुळे गेल्या दोन-तीन वर्षात दैनंदिन उपयोगी वस्तू भेट देण्याकडे कल वाढला आहे. यात साखर, पोहे, गूळ, जिरे, मोहरी, एव्हरेस्टचे मसाले, बिस्कीटे, मॅगीबरोबरच डेटॉल साबण, नारळ आदी वस्तू वाण म्हणून दिल्या जात आहेत. सध्या कोरोनामुळे सार्वजनिक कार्यक्रमांवर निर्बंध असल्याने यंदा हळदी-कुंकू कार्यक्रमावर संक्रांत येणार की काय अशी भीती निर्माण झाली आहे.

अजून बातम्या वाचा..

नाईक यांच्या धरणे आंदोलनाचा तिसरा दिवस ; विधानपरिषद सदस्य नरेंद्र दराडे यांनी घेतली भेट

नाईक यांच्या धरणे आंदोलनाचा तिसरा दिवस ; विधानपरिषद सदस्य नरेंद्र दराडे यांनी घेतली भेट

शिवसेनेचे सहसंपर्कप्रमुख, माजी नगराध्यक्ष,नगरसेवक प्रविण नाईक यांच्यावर दाखल झालेल्या गुन्ह्या...

read more
अंगणवाडीत हसत खेळत पुर्व शालेय शिक्षणाच्या माध्यमातुन बालकांचा साधला जात आहे सर्वागिण विकास

अंगणवाडीत हसत खेळत पुर्व शालेय शिक्षणाच्या माध्यमातुन बालकांचा साधला जात आहे सर्वागिण विकास

राष्ट्रीय पोषण २०२२ अंतर्गत एकात्मिक बाल विकास सेवा योजना प्रकल्प नागरी नाशिक -२ अंगणवाडी...

read more
[hsas-shortcode group="" speed="10" direction="left" gap="50"]